اسمح لنا يافاتن سرقنا موضوعج لبنات العين وضواحيها

وبكون اول من تشارك
افضل سوق عندنا بالعين هو واحد وهو العين مول
لكن فيه اسواق اخرى مثل السوق المركزي او الفلاح بلازا ترى والله بالفلاح بلازا اشياء حلوه
وحتر مركز سفير فيه اغراض نفس الي موجوده بلايف ستايل بس ارخص وانا مجربه بنفسي
وفيه سوق اسمه الميغا مول بجانب عيادة الجاهلي فيه اكسسوارات للبيت تجنن وبسعر رائع

يعطيج العافية اختي وانا مثلج اشوف ان العين مول هو السوق الاساسي اللي صاير فالعين ...

:26:

تحياتي:
غيـــــــــــــوض

مشكوره ياغيوض على الرد ومثل ما قلت ما فيه في العين الا العين مول
بس الفكره من موضوعي هي معرفة الاماكن المخفيه الاخرى والي نحصل فيها منتجات ممتازه بس بسعر اقل
وينكم يابنات الي اعرفه تعجبكم ها السوالف انا منتضره الرد

أسواق الامارات في العين في اشياء حلوة ورخيصه ....
خصوصا الوعايين والالعاب وادوات الزينه .....

أنا شراتج يا نور السحاب يعيبني الفلاح بلازا

دوم آخذ أغراض المطبخ من عندهم ...

ويبيعون أشياء حلوه . .

مثلا يبيعون ستاير حلوه شرات الي في هوم سنتر. . . ورقعهن لا باس فيهن

عندكم محلات أبو الهول حق مفارش الشباري ( السرير) حلوه وخاصه التلبيسه. .

بعد في السوق المركزي عندكم محل الأفراح مال العبايا والشيل أسوي عنده العباه الساده صالون رقم 1 وانتبهن لازم أنتن تنتبهن للرقعه يسويها حقي ب 170 وع كثر ما ألبسها صراحه حلوه وما تتغير

وشي محل في شارع الجوازات الجديم. . عدال راجو بلازا بس منخش داخل . . .اسمه الركن الأخضر لو مب غلطانه حق تنانير وقمصان وبديات اييب مرات شغلات حلوووووووووه
وبديات روعه. . والتنانير الساده حلوه عنده بعد . .

عندكم كي أم يبيع اكسسوارات هنديه حلوه. . بس صراحه من زمان ما سرت وما ادري الحين شو فيه

ولي تذكرت بخبركم بعد