اسمح لي كرامتي فوق كل شي

السلام عليكم خواااتي وحبيباتي بنات حواء اتمنى تكونون بخيير

بنات الله العالم اني ارتاح لمن اشكي همومي لكم وخاصة اني ما احب احد يتدخل بمواضييعي الخاصة

اللي تصيير بيني وبين زوجي واتمنى كل وحدة تدخل موضوعي تنصحني وتدعي لي تبون تقولون اشكي

لامك مستحيل ما احب امي تشوف حزني او بالمعنى الصريح ضعفي مع انها هي القريبة لي لكن ابين

لها اني فرحانة مهما كانت ظروفي المهم ما اطول عليكم

من تزوجت وانا واثقة بزوجي لدرجة اني ما احب قريباتي لمن كانو يقولون احنا ننبش باغراض

ازواجنا ولازم تسألينه وينك ومع من وتشوفيين من يدق عليه تالي الليل وتشوفيين رسايله من منو

كنت ابين لهن اني معاهن بكل اللي يقولونه وان هن الصح وكنت اخذهن على قد عقلهن وكانن يقولن

لي لا انتي اضمني ان زوجك مايشوف مثلك بهالدنيا مدام انتي عنده

وما فكرن ان لكل انسان خصوصياته لاتقوليين زوجي وما بيننا خصوصيات بالعكس انا بالنسبة

لي كل شي له حدود والرجال مهما كان راح يمل من كثر ما تسأل مرته وينك ومع من سهران

وبنظري هاذا الشي اللي يخلي الزوج يطفش من حياته مع زوجته

زبدة الموضووع :

قبل كم يوووم اكتشفت خيانة زوجي لي لا تقولون اني ممكن اكون مقصره معاه والله العظييم مافي شي

ماسويته له من ليالي رومانسية وحتى اهتم بنفسي حيل لدرجة والله العظييم ان قريباتي اللي بعدي

تزوجو لمن اقول لهن كشخن لأزواجكن يقولن ملينا ما صارت واحنا نتمكيج ونتعطر واسكت

المهم انا اكره ما اشوف بهالوجود الكذب و زوج يخون زوجته واهي لا تنبش وراه ولا شي

فقررت اني اقعد عنده هالفترةواسوي الوضع عادي ولا كأن في شي وبعد ما اولد اروح لهلي نفاس

وخلاص اقطع صلتي فيه لاتقولون وش

ذنب العياال الزم ماعلي كرامتي واهلي الحمدلله ربوني وانا صغيره مو عجزانين عني الحيين

واعيالي بربيهم انا

سبحان الله يا هالدنيا قريباتي النكديات على ازواجهم والله مايشوفون مثلهم ابد زوجها مسوي لها اللي

تبيه

انا ما ابيه يسوي لي شي بس اهم شي انه ما يخوني ولا يخليني مضحكه للي يسوى واللي مايسوى

وهاذي كل القصة والله العظييم اني ابكي من الألم ومحد حاس فيني كل شي يهوون الا الخيانة عندي

ادعو لي يابنات ان الله يصبرني لأني على كثر ما حبيت هالإنسان كرهته وانا عيبي لكرهت احد خلاص

ما اقدر ارد احبه واسفة على اني طولت عليكم لكن من القهر اللي فيني لا تلوموني وعساه مايصير

لكم اللي صار لي وعلى فكره هو ما يدري اني دريت عن خيانته ولا احب حتى اواجهه بالموضووع

لأني ماراح اتقبل منه اي عذر .