اسمرار الجسم ، مالحل؟

السلام عليكم و رحمة الله و بركاته
مثل ما هو واضح في العنوان حابة اسألكم عن خلطة كريمات مجربة لمناطق الجسم المختلفة (ظهر، بطن، أرداف، رقبة، إبط)
تعبببت من هالمناطق رغم عنايتي و اهتمامي الشديد بها
بعد كل استحمام أحرص على ترطيبها اما بزبدات او لوشنات
و سبق و استخدمت لها خلطة كريمات من تاجرة و لكن بدون نتيجة
بل بالعكس ما شفت منها غير الحبوب اللي طلعت بأعلى ظهري و كمان ببطني
حريصة عالتقشير الأسبوعي بمختلف انواع المقشرات بس ما استفدت الا النعومة
العناية هذي مو يوم و لا يومين بل من شهور و سنواااات و انا مستمرة عليها
صحيح بشرتي طبيعتها جافة بس انا مهتمة جدا بشرب الماء و الحمدلله ان باقي مناطق جسمي ناعمة
و مدري اقول يمكن الترطيب العميق هو سبب المشكلة ؟
من وجهة نظركم ايش افضل في الترطيب اللوشن والا الزبدات ؟
أتمنى ألاقي الحل السحري عندكم
و لو أحد جرب الخلطة الثلاثية لهالأماكن العنيدة أتمنى يفيدني