اسمعوا هالقصة صايره لوحدة من قرايبي - -
بطل القصة اسمه سعود0000 سعود رجال سنافي على قولتنا يالبدو رجال شرقي حتى النخاع وحبوب مع خواته وبار بامه - - والمرأه عنده انه يعطيها حقوقها وتمشي سيده لا تلف ولا ادورولا مياعه ولا خرابيط – حتى يوم يخطبون له قال لأهله اهم شي العقل انا ابي مراه تكانه راكده وعاقله - حتى خواته على انه حبوب معهن وما يرضى احد من اخوانه الثانين يزعلهن او يظايقهن- كانن يخافن منه من هيبته وشخصيته –
مرة خواته الثنتين ليلة العيد راحن للمشغل بعد الفطور الساعة 8 جا الساعة12 ليلا ما خلصن – اول ما درى زف اخوانه وركب سيارته وجا عند المشغل ورن لهن تلفون علشان يطلعن – قال اذا تبن تروحن روحن بدري عشان ما تتاخرن ما عندنا بنات يقعدن فالمشغل لأنصاص الليالي – يوم جا صباحية العيد اول ماصلى فاجاهن وقالهن امشن قالن على وين قال بوديكن المشغل الحين فاضي وبنطركن لين تخلصن – عاد هن ما صدقن خبر – قلت لكم هالسالفه بس عشان اعرفكم على شخصية سعود
المهم ما اطول عليكم - كان له سمعه حلو فالعايله وبصراحه الكل يتمناه وفوق هذاهو خريج هندسة كمبيوتر
المهم اهله اختاروا بنت من العايله ما تقرب له اسمها مها – مها خريجة كلية التربية تخصص عربي- والبنت جمال وماشاء الله عقل وركاده وفيها ذرابه وذوق بس ودك تسمعينها وهي تسولف 00 المهم تزوجته وسافروا قبرص 15 يوم – الرجال انهبل انجن عليها (والله وطحت ياسعود )– ويحقله يحبها حلوة ومتعلمة وانيقة وذربه ورجع سعود من قبرص وسكن مع امه وخواته واخوانه خالد وناصروكان لمها شقة غرفتين وصاله وحمام- واهل سعود وامه حبوا مها واستلطفوها لأنها كانت طيوبه معهم
المهم مرت سنة وجابت مها توأم – وتزوج خالد اخو سعود وجات زوجته وليتها ماجات كانت شقتها قبال شقة مها – وكانت تغار من جمال مها وكشختها وهنا بدات المشاكل- كل يوم مطاحن وسوالف ونغزات وحركات وبلاوي ماقدرت تحمل مها فطلبت من سعود انهم يطلعون في بيت رفض سعود وبشدة –
ما كان يصبر مها الا خويتها ساره كانت تزورها وتهون عليها وتقول اصبري وتحملي رجلك يحبك ويحترمك اكيد بوافق مع الوقت بس انت ساحليه واي مشكله تصير لك مع مراة خالد حطي رجلك فالصورة عشان يعرف انت وش تعانين ويقتنع بالبيت-
من كثر المشاكل اهتزت علاقة مها مع خوات سعود وامه ماعادهم مثل قبل ميانه وسوالف وفلت حجاج على قولتهم ؟؟؟
خوات مها قالوا لها اسحبي على الرجال وضغطي عليه دام المساحل والإقناع ماجاب نتيجة مهب عيشه كل يوم مشاكل وبلاوي – المهم ضغطت مها على زوجها وقامت تبكي عنده قالت انا تعبت ما عاد احتمل الناس ادور الراحه في بيوته انا بيتي صار هم00 صرت انحاش منه عشان ارتاح – مسح سعود دموعها وقال وغلاوتك عندي ان احل هالمشكله بس البيت لا امي مو في خاطرها نطلع بتتعب وانا الكبير وامي عجوز كبيره فيها ضغط وسكر
المهم استمر هالموضوع سنه اكبرت السالفه هذاك اليوم بين مها وسعود على موضوع البيت قالت يالبيت يا اروح لأهلي – عصب هالرجل الشرقي سعود وطلع من غرفته امسكته امه بعد مالا حظت ان ولدها تعب من هالمشاكل اليوميه ولان خالد شوي شخصيته ضعيفه ما قدر يوقف زوجته ويعقلها – المهم ام سعود امسكت سعود وحلفت عليه وقنعته ان يطلع مها في بيت قالت البيت اللي جمبنا بيت جارتهم ام فيصل بيطلع المستاجر الشهر هذا – اخذ البيت وستاجره هنا ياولدي ارضيت زوجتك ورضيتني بتكون قريب مني ازورك متى ما بغيت وانت دوانيتك ودوانية اخوانك وحده – نزل على يد امه وحبها وقال ما اردك يالغالية ووافق –
صعد لزوجته وما عطاها تفاصيل قالها بالحرف الواحد : خلاص من الشهر الجاي انت في بيت ثاني بيت ابو فيصل هذا اللي جنبنا واشر يمين صوب بيت جاره وطلع – ما زاد شي
فرحت مها بالخبر وتحسب ان سعود وافق بعد المناقشه الحامية اللي بينها وبينه- وش سوت هنا المشكلة:اخذت الجوال وكتبت000(ابشرك شفتي سعود وافق عالبيت صدق رجال ما يجون الا بالعين الحمراء)
وبدل لا تختار اسم صديقتها سارة اظغطت على اسم سعود ودزت ارسال
( تراه تصير اذا كنت ذاكرة اسم شخص في الرساله اللي كتبتيها ممكن تلخبطين وادزينها للمذكور اسمه لأن عينك توها شايفه الأسم فلما تختارين الأسامي اطيح عينك عالأسم اللي كتبتيه فالرساله)
المهم دزت الرساله وشوي طن طن صوت رساله جايتها افتحتها مكتوب00000
(ماشي انا اوريك من اللي ما يجي الا بالعين الحمراء) المرسل سعود
انهبلت مها قامت تصيح من هول الصدمه – دزيتها لسعود بدل سارة ليت يدي انقطعت قبل ادزها – ياويلي ويلاه وش اسوي ---
كانت مها ادق عليه تبي تعتذر او تقول أي شي يسمح خاطره – فوق عشرين مكالمه مارد
جاء عقب ساعتين وسمعت صوته تحت يطلب القهوة من اخته وقال جيبي حبتين بندول وكاس ماء وراح الدوانية عند اخوانه – تقول دقيت ودزيت مسج قلت الله يخليك تعال فوق ابيك شوي ما رد - - وعلى اعصابها تنطر يصعد او يتصل – المهم جاتها رساله من سعود قال بعد نصف ساعة راح اكون في السيارة تعالي وجيبي اغراضك معك بوديك عند اهلك ---
لبست عباتها واخذت اعيالها التوام وركبت معه – بس اغراضها ما جابتها وقعدت تكلم وتعتذر طول الطريق وهو ساكت ما قال ولا كلمه –
وقف عند بيت اهلها وقال انزلي يوم شافت الرجال ما في اذنه ماء افتحت الباب وقبل لا تنزل قال : أف يا مها تكلمين عني بهالشكل عند الناس ماني برجال ان طوفتها –
وصار لمها الحين 8 اشهور عند اهلها – في بعض التفاصيل لا تسالوني عنها هذي قصة مها كما روتها ام مها اللي هي خالة امي ---
بالله ابي تعليقاتكم وش رايكم والله ما صابهم الا عين
الحلا من الكويت @alhla_mn_alkoyt
محررة برونزية
يلزم عليك تسجيل الدخول أولًا لكتابة تعليق.
مها غلطانه وسعود معه حق ..
هذا مو أسلوب تتكلمين عن زوجك قدام الناس
وردة فعله طبيعيه جدا
هذا مو أسلوب تتكلمين عن زوجك قدام الناس
وردة فعله طبيعيه جدا
لا بلعكس مو طبيعيه شفيه الريال مكبر السالفة حمدالله والشكر ومها كلللش مو غلطانة هاي حقها اصلا ,,كانها الاخت تحمست ؟؟
الصفحة الأخيرة
ومها غلطانه وسعود معه حق زيين انه ماطلقها بعد