اسمعوا سالفتى مع صالون0000

بكتب لكم عن سالفتى مع صالون نواره مب عشان شى بس حتى تنتبه كل وحده تبغى تحجز عندها اوحتى عند غيرها ، حجزت عندها قبل فتره ل 6بنات كبار و2 صغار وكان العرس الاسبوع اللى طاف ، المهم اتصلت فيها قبل العرس بيوم حتى اتاكدمنها عن الوقت اللى راح توصل فيه الصاله 0 هى فى دبى واحنا فى راس الخيمه ) المهم اتفقنا على الساعه 2 الظهر ، ويوم العرس الصبح اتصلت فيها مره ثانيه لانى بغيتها تتاخر الموعد على الاقل الساعه4 بس ما بغت وقالت الساعه 2 يعنى الساعه2 لان عندها عروس فى نفس اليوم ، الساعه2 بالضبط كنا فى الصاله و المكان فاضى اتصلنا فيها الساعه3 قالت بكون موجوده بعد اقل من ساعه اتصلنا فيها الساعه 4 قالت بعد 5دقايق راح اكون موجوده اتصلنا بعد نص ساعه ما ترد وشرفت حظرتها الساعه 5 ولسانهااطول عنها وتقول انا ما قلت الساعه 2 و بالاخيراشتغلت شغل تعبان 0طلبت منها تسو ى لبناتى سشوار قالت راح ينفش بعدين - وهذا عذر اقبح من ذنب - شعر بناتى ما شاء الله طويل وغليظ ومتموج وراح ياخذ منها وقت -مع ان اعمارهم 6 و 3 سنوات - فسوت لهم تسريحات انفتحت من بداية العرس0 هذا شى من اشياء وايد صارت ذاك اليوم نكدت علينا # ياترى فى ناس فى هذى الايام عندهم امانه فىكلامهم # هذى قصتى فشوا رايكم0000