اسمعوا قصتي واحكموا تسرعت ولا لا

ماتتخيلون لهفتي على الحمل من بعد اخر مرة اجهضت فيها وكل اللي مروا بتجربة الاجهاض يعرفون هالشعور
المهم بعد كورس علاجات ومنشطات هذا الشهر تحمست وجبت التحليل المنزلي وباقي على دورتي تقريبا
9 ايام وطلع لي خطين الثاني شفاف وماصدقت انتظرت بعد يوم وجبت تحليل ثاني وطلع لي خطين من الفرحة ماصدقت وجبت التحليل علشان اتاكد من زوجي ووريته وشاف الخط الثاني بوضوح ومن بعيد قلت بنتظر لين يبقى اسبوع على موعد الدورة واروح احلل دم وبالفعل سحبوا العينة وقعدت انتظر بالاستراحة ربع ساعة اطول ربع ساعة بحياتي جلست استغفر واسبح وادعي ربي يربط على قلبي مهما كانت النتيجة نادوا على اسمي وبالطريق وانا امشي افكر وش ارد على الدكتور اذا قال لي مبروك يامدام انتي حامل دخلت قال النتيجة (نيجاتف )يعني مافية حمل والخطين وهم طبعا ماتتخيلون الصدمة طلعت وزوجي بالسيارة ينتظرني اول مافتحت باب السيارة قال من مشيتك عرفت انك فرحانة حامل صح قلت لا
قال بدون مقالب وحركات قلت والله مافيه شئ وسكت وانا سكت وكملنا الطريق للبيت مانطقنا باي حرف
الحمدلله على كل حال بس من جد الله يصبر قلبي وقلب كل مهمومة يعني صدمة ومرارة مو طبيعية تحجرت دموعي اكثر من ساعة بعد الصدمة تةها الحين طلعت وانا اكتب ومحد يعلم بحالي الا الله وبنات حواء