
^_^sweet smile^_^ @sweet_smile_5
عضوة جديدة
اسمعوا قصتي وادعولي بالصبر
السلام عليكم ورحمة الله وبركااته انا اختكن في الله مرام حابة احكيلكو قصتي ميشان ارتاح لانو بجد كتييير متدايقة اول شي انا عمري 19 تزوجت بشهر7 الماضي زواج عن حب زوجي من اسرة بسيطة جدا وانا كنت من اسرة غنية كتيير والحمد لله لهيك واجهنا صعوبة باقناع اهلي بالزواج المهم تزوجت بعد تعب كبيير مهري انكتب في عقد الزواج دينار واحد وما جبت ذهب والجهاز وفساتين الفرح كانو على حساب اهلي المهم حملت من اول شهر بالزواج بس حملي ما استمر بسبب القرينة واحنا مش عايشين في بيت لوحدنا عايشين مع اهل زوجي بغرفة صغيرة ضغطوا علينا باول الزواج لحتى ناكل لحالنا فقسمت خزانتي طبقة لملابسي وطبقة لملابس زوجي والطبقة التالتة لادوات الطبخ والاكل عشت ايام كتيير صعبة بس صبرت زوجي لسه بيدرس وما بيشتغل بس بيحفظ قراان في المسجد ليكسب الاجر من الله واحيانا بيعطوه راتب صغيير يمكن بتسالو كيف عايشين ومن وين بناكل؟ الله بيرزق مرة جدتي بتحن علية ومرة صديقتي ومرة ماما ما علينا قبل شهرين فكرنا انا وزجي بالحمل وليش ماحملت بعد الاجهاض فاخدني عالدكتور ولاقى كل شي تمام بس حكى انو بدي منشطات ليصير حمل بازن الله بس كان ثمنها غالي لهيك اضطر زوجي يروح يشتغل في مكان خطير شوي كان بينقل بضائع من مكان لمكان بس الي صاار انو عمل حادث ورجلو انببترت من فوق الركبة هو الي اتصل هاداك اليوم وخبرني ما تحملت الخبر اغمى علية وفتت المستشفى وتعبت لاني حسيت اني السبب بعرف انو هادا قدر والحمد لله بس.... مابعرف شو احكي المهم مر شهر وهو بعييد عني كان نايم بالمستشفى ولما طلع كنت اشجعو وما احسسو باي نقص والحمد لله بنمارس حياتنا بشكل طبيعي بس المشكلة انو صار كتيير حساس وعصبي ودايما زهقان وكل ما يشوفني بيصرخ في وجهي ما بعرف شو اعمل ,اسفة ازعجتكو بس كتييير ارتحت لما فضفضت الكو وادعولي بالصبر والحمل
18
2K
يلزم عليك تسجيل الدخول أولًا لكتابة تعليق.


اخت وضحى
•
شوفي حبيبتى عليك بكثره الاستغفار وكثره الصلاه على سيدنا محمد صلى الله عليه وسلم لانه اذااستمريتى عليها بيتكفل الله بحل امورك الدنياويه والاخراويه


يارب يفرج همك وكربك ويريح قلبك
الواحد مايقول الا الحمد لله على قدر ربنا وهذا نصيب وقدر والصبر هو الدواء والحل لوضعك
بالنسبه لزوجك ربي يعطيه الصحه والعافيه والله يعوضه بأحسن مما اخد منه في حل بسيط وهو انه يضع رجل اصطناعيه بديله
راح تكون بدل الرجل الي راحة وبكدا يقدر يروح ويجي براحته ويقدر يشتغل وان شاء الله ربي يعطيكم الذريه الصالحه الي تسعد قلبكم
وبالنسبه للقرينه لازوم تتبعي الرقيه الشرعيه ميشان تشفي ان شاء الله وهنا في المنتدى قسم اسمه ملاذ الروح راح يفيدك ان شاء الله
الواحد مايقول الا الحمد لله على قدر ربنا وهذا نصيب وقدر والصبر هو الدواء والحل لوضعك
بالنسبه لزوجك ربي يعطيه الصحه والعافيه والله يعوضه بأحسن مما اخد منه في حل بسيط وهو انه يضع رجل اصطناعيه بديله
راح تكون بدل الرجل الي راحة وبكدا يقدر يروح ويجي براحته ويقدر يشتغل وان شاء الله ربي يعطيكم الذريه الصالحه الي تسعد قلبكم
وبالنسبه للقرينه لازوم تتبعي الرقيه الشرعيه ميشان تشفي ان شاء الله وهنا في المنتدى قسم اسمه ملاذ الروح راح يفيدك ان شاء الله
الصفحة الأخيرة
ويرزقك بالحمل التام
الي يغير حياتك لفرح