اسمعوا مشكلتي

السلام عليكم
مشكلتي جدا صعبة وتعبت نفسيا وابي حل
انا تزوجت وانا بنت ثانوية من رجل مسن عمره في الستينات فقط ملكة ونقلت لبيته ماكملت سنتين وتطلقت


جاني بعدها شاب بأول الثلاثينيات وعمري كان ٢٤ سنة ماسوينا زواج ولا اي شي فقط ملكة ونقلت شقتي
المهم كان هذا الشاب شديييد جدا وغيوور وشكاك ضربني في ثالث يوم زواجي عشت معه مرارة كان يمنعني اتجمل واتلبس عند الناس والحريم يقول اغااار
وجلسنا سنوات كثيرة تقريبا كل حلول مشاكلي انا واياه يعالجها بالضرررب والتعليم في وجهي وجسمي
كانت نفسيتي سيئة لااتجمل ولا اتزين ولا البس ولا ولا
جبت ولدي الاول من يوم وهو رضيع يقول لاتلبسين بناطيل وقصير عند الولد
كان شديد معي ومع ولده ومعاملته شوي فيها جفاء
السنة اللي بعدها جبت بنت وياليتني ماجبت انقلب حنوووون وذااايب ومحب ويخااااف عليها حتى من نسمة الهواء
مايبي شعره تمسها
نقول بنته مافيها شي طيب انا وولدي ليش يجفانا يطرد ولده يلعب تحت الشمس كثير يقول خليه يولي ونفتك منه
يقول توني الحين يصير عندي عايلة بعد ماجت البنية
وصار الاهتمام لها يجي من برا علطول يشيل بنته يقعد يضممها ويلاعبها ويشايلها كل وقته معها


انشغل فيها عنا
واذا جا الليل يجيب بنته تنام بحضنه على سريري والولد كان عمره سنه يقعد يصيييح في الغرفة الثانية يبكي بالساعات الطوال مايسال فيه يقول خليه يتعب من الصياح وينام لاتدلعينه وتخربينه!
بدا الشيطان يدب في قلبي انه خلاص هو مايحبني انا ولا ولدي بديت انسحب من حياته وابعد عاطفيا وجسميا وقلت استمر عشان ولدي بس
رميت ملابس نومي وطلعت من غرفتي وصرت انام عند ولدي وخليته لبنته الى درجة هو يغير لها احيانا يقول بنتي مافيها شي
واذا رحنا معه بالسيارة يقعد بس يناظر في بنته ويضحك لها ويدللها ويبوسها وانا وولدي ولا كاننا هنا
و تمر الايام والشهور والسنين وهو يزيد لي ولولدي جفاء ويزيد بنته حب وحنان ومودة وكل مايكبرون يزيد لولدي كره ولبنته حب لدرجة يعنف الولد ويضربه وهو صغير كأنه مو ولده كأنه يغار منه
ويتحيز لبنته على كثر اغلاطها
دب الشيطان بقلبي وكرهتها وابغضتها
...