Ms حواء :

البنت كانت شديدة الغيرة وشديدة الزعل كانت تحارش ابوها علي وعلى أولادي وكان يضربنا كثير بسببها على اتفه الاسباب بابا سوولي وبابا قالو لي اصلا هي غريبة من يومها صغيرة تغار حتى من الغريب انتم ليش جبتو وانتم ليش حطيتو اذا اخذتها معي للسوق تقعد تحاسبني سوي كذا وحطي كذا كانها ولية امري ولسانها مرة طويل اكبر منها بسنين بصراحة الله يهديها هي سليطة لسان وهذا سبب من أسباب كرهي الين مرة مسكتها وهددتها لو مد ابوها يده علي وعلى عيالي بسببها ماتشوف خير وسكتت وهذا اللي خلاني كرهتها اكثر هو متحيز معها مرة من يوم جت وكل ماتكبر يزيد تحيز لها وتفضيل صريح لها انا كان حلمي نكون عائلة سعيدة مترابطه اتطمن على اطفالي كلهم وأحب زوجي من قلب بس للاسف هذا الشي ماصار هي للان غيورة لكن كبرت وبدت تفهم وتكبت وهو للان يحبها اكثر لكن صاريودنا ويكبت شوي ومايسوي شي يزعلنا قدامنا اما باقي عيالي فهو لنا سنة تقريبا بدينا نحس ان عندنا ابو يهتم فينا ويقدرنا لكن بالحب والضم والهمس والمدح مالنا نصيب فيه بصراحة انقهر واستغرب ليش هي غير واخوانها غير لكن ماعاد يهم اهم شي الاحترام والرحمة تعودنا وإلا اهم ماتوصل لنا اذية منهم انا الان مشكلتي مو في بنته مشكلتي بحياتي واستقراري

البنت كانت شديدة الغيرة وشديدة الزعل كانت تحارش ابوها علي وعلى أولادي وكان يضربنا كثير بسببها على...

Ms حواء :

والله ماكان اختياري لا الاستمرار ولا الانجاب ولا بيدي أغير شي ويمكن معك حق ان شخصيتي كانت ضعيفة كثيررر اشياء سكتت عنها حتى اثرت فيني لكن وش اسوي الخوف من الضرب الخوف من حرماني من أطفالي وبعض الأحيان اقول الكرامة لان طبعي احيانا اذا طلبت من احد الاهتمام يموت معناه مااحب المنه ابدا

والله ماكان اختياري لا الاستمرار ولا الانجاب ولا بيدي أغير شي ويمكن معك حق ان شخصيتي كانت ضعيفة...

Ms حواء :

ماقسيت على البنت لكن مااتقرب منها ابدا لكن اذا جتني هي مااردها وعادي اجاملها لاني مااحب اكسر خاطرها احيانا نسولف نضحك تطلب مني خدمة ألبي لها واحيانا اشكي لها عن همومي وتسمع!! يعني عادي لكن مافيه حب مافيه مودة بيننا هي علاقة رسمية اقرب للمجاملة فهمتي ؟! بس مجروحة من بعض تصرفاتها ومن تفضيل ابوها مافيه عنف مافيه مشاكل صح اكرهها ومافيه مودة لها عندي وجفا بيننا لكن بالمعاملة عادية جدا لكن الغيرة موجووودة وخاصة على ابوها حتى مني !! هي واخوانها يشترون مع بعض يروحون ويجون مع بعض وعايشين ‎ولا اشكي لهم منها ولافكرت اخرب مابينهم بالنهاية كلهم اخوان ومالهم الابعض ‎ ولا اتدخل بمشاكلهم الخاصة ولااشوش بينهم المسألة مسألة قلوب واحاسيس فهمتي ‎اما هو فمثل ماقلت كثييررررر تحسن وتعدل الا بمودته لبنته الزايدة بكيفهم الاهم بدا يحس فيني وفِي عياله ومايوصلنا منهم اذى ‎المشكلة هنا يوم بديت اقرب منه واحبه قرر يتزوج تألمت كثير قلت اتطلق وأبعد رفض ‎ رافض استقل بنفسي ادرس او اتوظف واشوف حياتي واصرف على نفسي ‎ قلت له ماراح استحمل اجلس كذا اتفرج عليه هو وحرمته ابغى استقل بنفسي وانشغل بشي ينفعني واتطور والبس واهتم اطلع وادخل واشتري واتزين وارجع لنفسي مو لسواد عيونه ‎هو مايبغاني اتصرف بنفسي ابدا ‎ يقول انا اوديكم انا اعطيكم انا وانا اذا تزينت يقول لمين ولمين ‎طب اليوم اللي مو لي وش اقعد اسوي يبغى يتزوج بكيفه لكن انا بعد لي استقلاليتي وحياتي الخاصة وحرة بمصيري خيرته بين امرين اما ان أبقى معه لكن لي استقلاليتي الكاملة وحرية تصرفي بنفسي او يطلقني وكل واحد يشوف حياته.. مشاعر متلخبطة ومتأزمة ماعادني عارفة الصح من الغلط

ماقسيت على البنت لكن مااتقرب منها ابدا لكن اذا جتني هي مااردها وعادي اجاملها لاني مااحب اكسر...