اسمعووووووا قصتي وساعدوني............

السلام عليكم ورحمة الله وبركاته

اليوم ياخواتي حابه اشكي لكم الحال واتمنى منكم مساعدتي وتقديم الحلول المناسبه الله يجزاكم خير...
انا من صغري وانا متربيه على الطيب والاخلاق واحب التقدير مع البعيد والقريب كنت عايشه من صغري في بيت فيه امي وزوجة ابوي لكن يعلم الله انني مااعتبرتها في يوم من الايام انها زوجة اب بالعكس كنت احترمها واقدرها من محبة ابوي كبرت على كذا وكبروا عيالها وبناتها وانا ماعتبرهم الا كانهم اشقاء لي دايم ادورهم واعزمهم وبالمناسبات مااقصر معهم لكن مع هذا هم ماهم حريصين علي وكل يوم يزيد جفاهم من دون سبب ومع ذلك كنت اسامح واتجاهل كله علشان ابوي الله يحفضه ويطول بعمره لكن اللي ماقدرت اتحمله انه في رمضان صار لي ظروف صعبه تعبت بنتي وشارفت على الموت لكن اللي قهرني ومرضني انهم ماسالوا عنا ولافكروا حتى لو مكالمه يتطمنون على البنت لو مجامله صراااااااحه ماقدرت اتحمل هذا الشئ ومع كذا رحت لهم وكلمتهم وقلت لهم اذا انتم سامعين عني شئ او شايفين مني شئ علموني ليش تعاملوني كذا لكنهم ما جاوبوني وقالو مافيه شئ وردهم هذا جنني زياااااده وابوي الله يعظم اجره يقول لاتشرهين لاتشرهين ..وانا مو قصدي شرهه لكن ابغى اعرف ليش يسوون كذا ..
وانا اليوم ابغى رايكم في تصرفاتهم و مشورتكم وش احسن تصرف معهم هل استمر في علاقتي معهم واطنش كل اللي يسوونه علشان ابوي واحتسب الاجر عند ربي او اني ابتعد عنهم واريح راسي منهم .
لاتبخلون علي بارائكم وحلولكم...