اسمعو قصتي وادعولي عشان ولدي تكفون

السلام عليكم ورحمت الله وبركاته
كيفكم حوائيات
ابدخل في الموضوع على طول
انا سلمكم الله عندي ولد15سنه وبنت 11وبنت 6 وبنت 4
والبنات الحمد لله مافيهم غير العافيه
والولد الامراض الوراثيه في العيلتين متجمعه فيه يعني حساسية صدر وجيوب انفيه وعيون ومسببه له ضعف وانحراف في البصر بس هذا يهون عند الصرع اللي معاه عذبنا في علاجه بس الحمد لله على كل شي
ودايما يقول ليش ياماما العيال كلهم عندهم اخوان الا انا واقول له هذا امر الله وإن شاء الله ربي يرزقنا باخ لك يقول لان العيال في المدرسه وفي النادي يقولون ماعندك اخو وهو ياقلبي يجيني يبكي واقوله ماعليك منهم وقول له على كذا واحد ماعنده اخوان واقول شف جدك ماعنده اخوان بس ماشاء الله خلفته كلها اولاد وملازمينه زي اخوانه واحفاده معظمهم اولاد يقتنع ويسكت فتره وبعدين يعيد الموال ياقلبي نفسه باخو يموت على ولد خالته من انولد وعمره الحين سنه وشهرودايما يروح عندها ويلعب عليه حتى الولد تعود عليه
والحين انا حامل بشهري التاسع والدكتوره من الخامس لين السابع تقول لي بنت بعده مارحت والتزمت الاستغفار والصدقه والدعاء ان ربي يرزقني بولد سليم معافى يخاوي ولدي ويكون له سند في هالحياه
واحساسي كان بنت والحين احسه اختلف ماني قادره اميزه حتى احلامي غامضه والى الان مدري اللهم ارزقني بما في رحمي ذكرا صالحا سليما ومعافا بارا بنا وارزق كل محرومه .

بنات انا وزوجي عندنا الوضع عادي اهم شي الصحه والعافيه بس انا ارحم ولدي وخايفه عليه ينتكس ونعيد عليه برنامج العلاج من جديد ولا كنا سوينا شي .
لانه سمعني وانا اقول لاختي انها بنت وحسيته اتضايق يقول البنات بيغلبوني يعني متى يجيني اخ لين يصير عمري عشرين سنه

خواتي بنات حواء سمعتو قصتي واكيد فيكم اللي تأثرت وفيكم اللي عندها الوضع عادي
انا ماكتبت قصتي عشان تاخذ اكبر عدد ن الردود انا كتبتها لاني لقيت فيكم الخيروالحب والتراحم على بعض زي الاخوات واكثر
اللي طالبته منكم الدعاء بان الله يرزقني بولد
واللي ماتقدر تكتب رد تدعيلي بقلبها