اسمع فلانه ولدت و فلانه حامل .. آخخخخخ مشتهيه احمل مثلهم و اصير ام و اضم طفلي

السلام عليكم

خواتي يلي حولي يحملون و يولدون .. ما شاء الله تبارك الله .... و انا لسه ما حملت ... الحمد لله على هذه الحال و على كل حال .. انا مو حاسدتهم بس اغبطهم و بقوه .. اتمنى ان يرزقني الله كما رزقهن .. زوجي عنده بعض المشاكل و قاعد يحاول يتعالج ..

امس وحده تقربلي كثيير ما شاء الله تبارك الله ولدت ..

خواتي كيف تتعاملوا مع الوضع و خصوصا لما تكون سلفتك او مرت اخوكي ... يعني ناس قراب منك كثيير ... شعوووووور و الله عدوي لا اتمنى ان يذوقه .. جدا متعب ... شعور بالحزن .. شعور بالعجز ... العجز يمكن انسب كلمة .. احس باني عاجزه .. مهدودة الحيل .. مكسورة الخاطر ... :44:

يعني اليوم ارسلت مسج لزوجي و باركتله .. صار عم ..... و قلتلته عقبال ما تصير بابا و ابارك لك ... مع العلم انه اخوه اصغر منه بخمس سنوات ..

و الله شعور صعب .. و انا متاكده انه زوجي حزين .. بس ما يقولي ..

و الله انا و زوجي مو حاسدين حد .. بس احنا بشر .. عنا مشاعر .. عنا احاسيس ... و خصوصا احنا الحريم .. غريزة الامومه مرات تتغلب علينا .. انا في بعض الاحيان اتناسى الموضوع .. ما اقدر اقول اني انساه تماما بس احاول اشغل نفسي باي شي .... بس مرات اضعف ..

تخيلوا خواتي صايره و انا امشي في السياره مع زوجي اقعد ادور .. اشوف اذا فيه بيبي لقيط مرمي في القمامه ( اكرمكم الله ) او محطوط في الشارع او اي شي .. و اروح المه و اخليه ابني ... نفسي اشم رائحة طفل ... احب ريحتهم و ريحة البودره حقتهم ... حتى سعابيلهم .. اسفه قرفتكم .. احب الاطفال مووووت .. و مشتهيه اصير ام .. و احمل و اروح المستشفى و اشوف ابني في بطني يكبر .. اروح اجهز اشياء صغيره .. سرير صغير .. ملابس صغيره .. كل شي صغير ...
حتى امي تقولي قاعدين نحاول ما نبين لك اي شي لما نشتري اشياء لمرت اخوكي عشان نراعي مشاعرك .. و هي مره زعلانه علي ...

اسفه يا خواتي كلامي ملخبط و تفكيري مشتت .. بس ما اعرف نفسي ابكي .. حاسه بضيقه في صدري .. يا ربي رحمتك التي وسعت كل شئ ..

حتى البيت يبغاله ترتيب و تنظيف و مالي نفس اسوي شي .. مع اني احب اعزل و ارتب بس اليوم مالي نفس اسوي شي ابدا .. يمكن هو اليوم بس و بعد شوي تهدى نفسيتي .. ادعولي تهدى نفسيتي و ربي يرزقني ..

و اسفه اذا فتحت جرووووح ..