كوبونات الراقية تسجيل الدخول

بـنـت صـلالـة
بـنـت صـلالـة •
بنت المؤمنين بنت المؤمنين :
بنت صلالة ان شاء الله بسوي بنصايحك بس الرياضة مقدر اخفف منها اقل شئ لين اخر رمضان الله يحقق اللي ببالي دخولي قليل جدا للمنتدى والسبب الوقت ضيق جدا برمضان وهالسنة اضفت الرياضة لبرنامجي اليومي فما صار عندي وقت فراغ الا في النادر مغير اختي هدوء تقولي ترى بنت صلالة ردت عليك وام الثلاثة ادخلي ردي ماقصرت هدوء قايمة بالواجب وسنعة على اختها ماشاء الله:huh: اما النادي اللي بتسوونه في صلالة تراني معكم اول المشتركات وياحلو الرياضة والنطنطة بين الجبال <<<<هايدي على غفلة:a_smil08: والله المناظر حلوة وتفتح النفس الله يهنيكم جمال مابعده جمال احنا بمكة زحمة لاتطاق تصدقين بيتي قريب من بيت اهلي بنفس الحي زوجي صار يتعاجز يوديني من الزحمة لاننا قريبين من الحرم..وعاد مايحتاج اقولك عن الجو حر موووت والحمدلله اللي يصبر على حر مكة وبردها له اجر الله ياجرنا اما الحلتيتة فانا ماكنت اعرفها تعرفت عليها من خلال بنات المنتدى يقولون تقوي الطلق وتفتح الرحم وتسهل الولادة وانا قد جربتها ونفعتني ماشاء الله بولادتي الاخيرة وكتبت موضوع في قسم الحمل والولادة قبل سنتين عنها وهذا رابط قصة ولادتي المهم انا اللي كنت اشمم اختي وقت الطلق ولا كنت ادري اني حامل ولدت هي بالسلامة وانا ابتدت عندي علامات الاجهاض ...والحمدلله رب العالمين
بنت صلالة ان شاء الله بسوي بنصايحك بس الرياضة مقدر اخفف منها اقل شئ لين اخر رمضان الله يحقق...
ههههههه فديتكن عسل وهدوء أم واجب الله يحفظكن لبعض :heart:...بقرأ موضوعك عن الحلتيتة إن شاء الله عشان استفيد وجزاك الله خير عليه وعلى مساندتك لأختك والله يعوضك خير يا رب ويرضيك ويرزقك ما تتمنين عاجلاً غير آجل ...

الرياضة لو مصرة على الساعتين قسميها ساعة مشي لحد قبل الفطور بربع ساعة وبعده ب3 ساعات تمشين ساعة... والله يوفقك ويبلغك مرادك ...

ههههه حلوة هايدي و أتذكر كاتولي بعد فتاة المراعي بس أنا أحب ليدي وحصانها الأبيض وكان في مزرعة خاصة لازم أركب حصان أبيض لما كنت صغيرة <<< تقليد أعمى هههههه ...وتسلمي يا عسل والله يهنيكم بأعظم النعم جيرة الحرم ويا كم من يغبطكم و يتمنى يكون مكانكم والحمدلله على جميع النعم والله يهوّن عليكم الحر وكله خير وأجر ...:26:

والله يعين يا رب ويلطف الأجواء على الجميع ...
بـنـت صـلالـة
بـنـت صـلالـة •
هدوء--- هدوء--- :
هههههههههه من اسامى لرجيم لسياحه لولاده .. صار كشكول الموضوع من كل بحر قطره .. ان شاء الله مايشوفونه المشرفات ..ويطيرونه ع ام الثلاثه .. بنت صلاله .. الابداع الالهى بصلاله مو يجى بالخريف والا انا غلطانه ..
هههههههههه من اسامى لرجيم لسياحه لولاده .. صار كشكول الموضوع من كل بحر قطره .. ان شاء الله...
ههههههه دخلنا في ذكريات الطفولة والكارتون بعد هههههه أحلى موضوع ايش الحياة بلا تنويع وترويح وكوكتيل منعش ومفرفش هههههه :biggthump تعيش تعيش تعيش ام ام ام وموضوعاتها إللي فيها الحرية والديموقراطية الحقيقية هههههه

أوووو هدوء لا تذكريهم و يا الله السلامة لو جت في الموضوع أهون ام ام ام عندها مناعة وياما طيرولها بس الله يستر ما يطيروها هالمرة واحنا معاها هههههه أنا لمحت قبل في رد على خفيف وخلينا ندعي الله يشغلهم بطاعته ويطرح في قلوبهم الرحمة بموضوعنا المشترك <<< صراحة حاسة احتليناه وحليناه <<< تعلمت المدح من أختك بس هاه لا تخبريها ههههههه:pinklove:

أيوه صح في الخريف محلياً ( الصيف ) والصرب محلياً ( الربيع ) تكون مخضرة أما في بقية الفصول تكون الأرض مصفرة إلا الأشجار الكبيرة...

<<< حتى صلالة عندها حركات قبل وبعد :pinklove:
بـنـت صـلالـة
بـنـت صـلالـة •
بنت المؤمنين بنت المؤمنين :
هدوء ترى انا كاتبة في ردي الاخير عن ديرتنا وانها حر الان وكذا فبلاش حرش مع المشرفات تكفيييين:42:
هدوء ترى انا كاتبة في ردي الاخير عن ديرتنا وانها حر الان وكذا فبلاش حرش مع المشرفات...
أيوه صح كلامك أساسا الموضوع عن ديرة كل وحدة وتصنيفه تعارفي اجتماعي وطبعاً في كل ديرة ناس وهذول الناس في منهم ضعاف ومنهم سمان يحتاجون ريجيم ورياضة ونوادي صحية... وفي منهم متزوجين ويحتاجون خبرات ومعلومات الحمل و الولادة ... وفي منهم يحبون يستثمرون فترة النقاهة ووقتهم بالمناظر الحلوة في كل ديرة ...وطبعاً كل ديرة فيها أطفال صاروا كبار يتذكرون مواقفهم و مسلسلات الكارتون لما كانوا صغار... هذا غير مشاريع التجار في كل ديرة ...يعني شي طبيعي تتفاعل مكونات كل ديرة مع بعضها وتنتج أكثر من خبرة و خبر..

من قال احنا طلعنا عن الموضوع أصلاً احنا ملتزمات كل الالتزام بمناقشة كل ما يجري في كل ديرة جوها وناسها والخ ... :wink: هههههههه
ام ام ام...
ام ام ام... •
اقول انت واياها عشاني اعطيتكم الضو الأخضر تاخذون راحتكم &#55357;&#56865; ههههههه امزح لاتصدقوون
انا من يوم شفت الصور يابنوتة صلالة فكيت فمي لا إله إلا الله جنة الله في أرضه ماشاءالله تبارك الله
الله يهنيكم يارب
واذا عالرياضة انا بكون اول وحدة فيكم انطنط وانتم وراي خخخخخخخ وسكون بخليها جالسة لأنها لو تنقز نقزتين اختفت البنت ماشاءالله عليها لو يصير اتبرع لها بكيلوين ياسلاام خخخخخخ
الهنوف اختكم
الهنوف اختكم •
طبعا انا عتيبيه وبماني عتيبيه فمناطقنا اللي سكنوا فيها اجددانا متراميه الاطراف بالنسبه لنا اهم ديار عتيبه الخاصره خاصره نجدحلبان عشيره كذالك مناطق في الحجاز والخ طبعا انا وواهلي واعمامي وخوالي وخالاتي من زمان من اهل الرياض وساكنين فيها يمكن فوق 50 سنه اوااكثر بسبب عمل ابوي والبحث عن الرزق وكلكم عارفين اللديار اللي سبق ذكرتها هجرها اغلب اهلها لانه ماكان فيها وضائف ولا وزارات ولاشي الحين تطورت شوي مو مره المهم ماعمري حياتي رحت لها لان مالنا احد فيها كل جماعتنا هنا بالرياض ولله الحمد فيها قبور جداني رحمه الله عليهم وعلى جميع المسلمين
وهنا راح انزل اهم ديار قبيله عتيبه
من ديار عتيبة السيل الكبير وكان قديماً يسمى قرن المنازل وموقعة شمال مدينة الطائف

ويبعد عن الطائف 55كم ويبعد عن مكه 65كم

وسكانه الثبتة من عتيبة ..

وسوف أذكر أكبر هجر وقرى قبيلة العوازم من عتيبه

1) السريحية تابعه لمحافظة المهد بمنطقة المدينة
2) محامة بن مصوي تابعة لمحافظة عفيف
3)جهام تابعة لمحافظة الدوادمي
4) العازمية تابعة لمحافظة الدوادمي
5) الصالحية تابعةللدوادمي
6) الرفايع تابعة للطايف 7) النصايف تابعة للطايف
8) حيلان تابع للطايف
9) الرفيعه تابعه للطايف
10) الحفنه تابعه للطايف
11) الشنيفيه تابعه للدوادمي
12) الوريكيه تابعه للدوادمي
13) نعام تابع للدوادمي

..عسيلة

... عسيله اسست في عهد الملك عبدالعزيزال سعود


.. الاشعريه

.. الاشعريه قديم تااسيسها من نزول عتيبه لنجد
..القاعية

القاعيه تاسست في عهد الملك عبدالعزيز ال سعود