اسم ولدي ...فضفضة//اكتفى من الردود

السلام عليكم ورحمة الله وبركاته

الله يعطيكم العافية يا امهات

مو جايني نوم قلت اجي افضفض عندكم :44:


السالفة يا طويلات العمر ولدي عمره سنتين

الله يحفظه واسمه من الاسماء المشتركة بين البنات والاولاد وهينا المشكلة


انه الاسم في المجتمع او بالاصح في القرية اللي انا عايشه فيها ما يسمونه الا البنات

والله يعلم في هالسنتين كم مرة سمعت تريقة وكلام فاضي وتعرفون الناس ما تخلي احد في حاله

من اول يوم ولدته قالو لي هالكلام بس كنت انا وابوه متمسكين في الاسم لانه حلو ومميز وما جا في بالنا

انه السالفة ممكن تأثر

لكن يوم عن يوم تعبت وانا ارد على الناس مقتنعين انه اسم بنت

وكنت بين فترة وفترة اقول لزوجي هل انت متأكد ما تبي تغير اسمه قبل ما يكبر

وكان يقول ما علينا من الناس وبعلمه اذا كبر كيف يرد عليهم


اللين جا اليوم انا خلاص انفجرت لانه في الفترة الاخيرة صارت لي مواقف طفشت

حتى في الملف تبع المستوصف الصحي حاطين الجنس انثى

المهم كلمت زوجي اليوم ومعند ومو راضي يقول ماراح امشي على هوى الناس

قلت له طيب انا وانت اللحين نرد عليهم طيب الولد وش ذنبه اذا كبر وطلع للمجتمع

والله اني اعرف مجتمعنا ماراح يخلونه في حاله تريقه وهذا اسم راح يظل معاه طول العمر

وولدي حساس مع انه بزر بس زعول وما يتحمل شي ، قلت ما ابيه اوصل لليوم اللي يجي ولدي

يلومني يقولي ليش سميتوني هالاسم


النهاية كنت اشتكي لامي واخوي اليوم وطبعا قالولي عندك حق ، وزوجي معصب يقول

خليني افكر في الموضوع انا عارفه انه الواحد حر في اسماء عياله ما عليه من الناس

بس وش ذنب الولد يتحمل المعاير

تصدقون كل تطعيمه او موعد السسترات والدكاترة يقولون هذا اسم بنت ، كيف دخل علينا ولد ويضحكون

والاهل مو مقصرين شلون تسمين هالاسم هذا اسم بنت

في البداية كنت اطنش بس ما اردي احس اني هاليومين عصبت وودي احل الموضوع


مجرد فضفضة , ودعواتكم زوجي يوافق يغيره اسم وتتسهل علينا الاجراءات