اسناني وثقتي بنفسي

يابنت الحلال هونيها وتهون مشكلتك بسيطه عند اللي فقد رجل ولايد وغيرها
احمدي ربي وطنشي الاشياء السلبيه عيشي حياتك بس ماحد خسران غيرك
وع فكرة اول ماقريت موضوعك كنت اقراء وانا منسدحه وطاح الجوال ع سني اخخخ ياهو يوجع 😤
هههههه

ياقلبي قلبك بس


يالغاليه الله يجملك بالايمان وطاعة الرحمن وحبه عزوجل وحب خلقه


ياحبيبتي تذكري دايم وحطيها في بالك
انك بنعيم وبخير من الله عزوجل
انك مو مريضه مرض شين تتعالجين منه كل يوم بموعد
كل يوم تسافرين عشان العلاج وتاخذين ادويه تطيح شعرك وتبهت بشرتك
تذكري انها شي سهل ويتغير متى ماتبين
بس لو مرض ياخذ صحتك ولا تدرين هل راح يعطيك الله العمر عشان تكملين مع عيالك عيشتك وتشوفينهم كبار ومتزوجين وامهات واباء
ولا ينحرمون منك
دايم احمدي الله عزوجل انك بنعيم وبخير وبصحه
الله عزوجل ابتلاك بهذا الشي البسيط يبي يختبرك
ويختبر حمدك وشكرك له
هل تحمدينه وتشكرينه على اشياء عطاكي اياها
تزوجتي انسان فيه مميزات حلوه مايخون مو متزوج غيرك
ماحرمك شي
رزقك الله اطفال الجنسين ماخلاك عقيم من كم سنه ولا عطاك كل ذريتك جنس معين تركضين ورى جنس ثاني
عطاك صحه بالجسم سليم لا فيه اعاقه او تشوهه
اسنانك تتصلح وتصلحت واكيييييد ابتسامتك روعه وشكلك روعه مع الاسنان الجديده
والله ياختي اشوف الفنانات والفنانين يغيرون من شكل اسنانهم لابتسامة هوليود شكل ماندري عن المضمون
والله اغلب الفنانين تغيرت اصواتهم بعد ماسووا تغيير للاسنان لابتسامة هوليود كبرت اسنانهم وتلاصقت وتغير صوتهم
اولهم حسين البلام صوته تغير حيل بس شكل ابتسامته صارت حلوه


لذا الكل وده يسوي اسنانه نفسك بس مايقدر على القيمه ولا على الالفين حتى الحمدلله يالغاليه الله عطاك المال عشان تسوينهم زي ماتبين
تغير الصوت لازم سبحان الله اتذكر نفسي يوم اسكر اسناني كانو اسناني متفرجه ويوم سويت تقويم وسكرتهم وسويت سن عندي منكسر تغير صوتي الكل لاحظ بس مع الوقت اخذت عليه ولا اتذكر كيف كان صوتي قبل حتى الحين ماحد يدري عن صوتي السابق كيف


انتي عشانك مو متعوده عليهم مع الوقت والسنين تتعودين
افرحي فيهم يالغاليه
راحت ريحة الفم وصارت اسنانك جميله
وابتسامتك اروع والله الاسنان بالشكل ثقه في النفس مو بالصوت
بس مشكلتك انك الله يهديك بعد ماتعدلت اسنانك وسويتي زراعه وصر شكلك ونفسك رووووعه لازم ماترتاحين وتسوين مشكله وحزن
يااختي لاتخلين الشيطان يخرب حياتك وينكد عليك عشان شي تافهه
عشان صوت !!!
يابنت الحلال احمدي الله وشكريه غيرك ماتقدر تركب سن واحد بس لا تلبيس ولا زراعه
قيمة التلبيس 500 ومايقدرون عليه
اعرف وحده تجمع قيمة تلبيس ضرس واحد تقول ب500 فضه و1000 بورسلين ولا تقدر لا على قيمة ذا ولا ذا ومتضايقه من ابتسامتها لانه صاير فجوه بفمها تقول موافقه يصير لونه رمادي يختلف عن لون اسناني بس اغطي الفجوه
واختي خلعت ضرس وجت تزرع ضرس واحد بس قالوا لها ب5000 خيييييير ولا تقدر على هالقيمه اصلا ولا 1000 من وين لها


لذا يالغاليه تذكري انك بخير من الله عزرجل وبنعيم
تشكرينه وتحمدينه وتعيشين حياتك مرتاحه ومبسوطه
ولا تسهطين وتكافئين هذا السكر باللي تسوينه الحين من مشاكل مع زوجك وعصبيه وانتي الصراحه مرتاحه وعطاك الله زوج مساعد وعطاك صحه واطفال
لازم تعدلين من نفسك وتبعدين الشيطان عنك وعن اسرتك لاتخسرينها

من باقي على أسنانة الأصلية الأغلب مركب اومسوي تقويم ومسألة النطق بس فالبداية تحسين بتغير لاكن لاتدققين انا لبست ضرس وكان يضايقني احسة ثقيل مع الوقت كل شي تمام انتي أحمدي ربك على زوجك اللي مهتم ويعالج فيك وشيلي الزعل منك وتقبلي وضعك الموضوع عااادي جدا بس انتي تدققين بزيادة

الحمدالله و مافكرتي زوجك وعيالك وش ذنبهم ؟؟؟؟
مافكرتي ان هالعمر مره وحده حرام تعيشينه بـ اكتئاب وحزن و صراخ
سبحان الله كل مره احزن وابكي ولا اعصب افكر بهالشيء كم مره بعيش ؟ مره وحده ؟ والسنين تمشي بسرعه ؟
من بيسعدني غير نفسي ؟ انا الوحيده القادره ع هالشيء ... فـ كل شيء فيني يروح
غيري من نفسك ومن جواك وشيلي هالخوف ان طاحت سنونك عشرين الف مره مو نهاية الدنيا عادي
روحي ركبي غيرهم .. العلم تطور والحمدالله مافيك سرطان ولا بلا ولا مرض ما ينشفى
شوفي الي طاحت شعورهم من الكيماوي راسهم وحواجبهم غير الالهم الجسدي الم نفسي
شوفي الي فيهم حساسيه واكزيما وثعلبه وبهاق .. الم وتشوه
شوفي الي فقدوا عين او يد او رجل .. بسبب حادث او خطأ طبي


اسنان ان ماحطيتي تلبيسه حطي تركيب ولا زراعه ولا اي شيء وهذاك حطيتي ووش زينك رجع كل شيء طبيعي
من وشو الخوف اللحين والضيقه والنفسية ؟
قولي الحمدالله لا يجيك شيء من هالغصبية والحزن ضغط وسكر وامراض قلب

الله يجبر بخاطركم بسس والله تعبانه نفسيتي حيييييل