بنوتات وسيدات عالم حواء اليوم جايبه لكم حاجه جونان لتبييض الاسنان وبياض ناصع كمان
انا من زمان سمعت عن تبييض الاسنان بالليمون وأمي الله يحفظها جربته بس حسيته حلو بس مو اللي انا ادور عليه ومره من المرات وانا اعمل سلطه ولاكان عندي ليمون استخدمت عصير الليمون الجاهز اللي في السوبر ماركت صراحه نفس الليمون بس احسه مركز اكثر فقلت لنفسي ليش ما اجربه وعلى طول بعد الغدا جبت قطن طبي وبللته بكم نقطه وفركت فيه اسناني الا بياض مو طبيعي واليوم ليا تقريبا 5 ايام عاملته واحس اسناني تبرق ما شاء الله
وبصراحه للامانه حسيت من كثر الفرك في اللثه بشوية لسع ففكرت انه استخدم اعواد الاذن بس بصراحه ماتقبلت:09: فاللي تحس لثتها حساسه تبعد عنها قد ماتقدر
فقلت اروح افيد اخواتي في المنتدى اللي استفدت منه كثير ولا ابغى الا دعواتكم
ادعولي يارب اكفني شر من اراد بي سواء ورد كيده في نحره والا امنو على دعائي في توقيعي
وحطيت صورة الليمون للي ماتعرفه واشتريته من هايبر بنده
وسعره حوالي 7-9 ريال مو متاكدة
وهذي الصورة مكبرة
تقدرى كمان تستخدمين ليمون فريش ( طازج) كثير مفيد للاسنان واللثه