بدون مقدمات تبغين زوجك يوديك الملاهي طبقيها وادعيلي
هذا البرياني اخذته من العم قوقل مع تعديلات كثيره مني وتر الطبق هذا حق شخصين وفيكم تضاعفون المقادير
نبدا بسم الله
المقادير:
علبه زبادي
مكعب ماجي
هيل
قرنفل
قرفه
2ثوم مهروس
ربع م زنجبيل مبشور طازج
1بصله كبيره مقطعه شرائح
زنجبيل طازج مقطع 6اعواد
نص ليمونه مقطعه شرائح نصها نشيل منها اللب ونصها لا
اربع اوراق نعناع طازج انا ماعندي حطيت نص م ص مجفف
البهارات:
ملح
نص م ص بهارات مشكله
نص م ص بهارات كاري
نص م ص بهارات برياني
ونص حبه دجاجه بدون جلد مقطعه نحط عليها الزبادي والبهارات والثوم والزنجبيل
نخلطهم مده دقيقه ونخليهم مده ساعتين واذا تحبين تطبخينهم ع طول مافيها شي
نبدأ الطبخ حطي الزيت والبصل والزنجبيل وحركيهم الين يصير لونهم كذا
وبعدين حطي الليمون والزنجبيل وحركيهم شويه
اضيفي الدجاج بخلطته وحركيه شويه وحطي الماجي وشويه ملح وقلبيهم وغطي عليهم زي الصوره وغطي عليهم وخلي النار هاديه مده نص ساعه وهوبينزل سوائل للي تسئل ماحطيت شي سائل
وفي هذي الاثناء اطبخي رز ابيض عادي وانا احط مع الهيل والقرنفل والقرفه فلفل رومي واللي ماتبغى تحط عادي بس لاتخليه يستوي مره
واذا استوى الدجاج طلعيه وحطيه على جنب واضيفي الزر فوق المرق اللي طلع من الدجاج
بنات لحد يرد الين اكمل
ونحركه وهو في القدر ونكبه في الصحن ونقدمه مع سلطه خيار بالزبادي والثوم مع النعناع
عليكم بالف عافيه