اليوم سويت عشاء سريع ومتاخر
ملوخيه ناشفه بالدجاج ورز ابيض بالزبده !! اااام لذيذ مرره !!
اول شي قطعت نص دجاج تقطيع كبار فصلتها يعني
فرمت بصله صغيره وحطيتها في القدر وشوي زيت وقليتها لحد ماحمرت
غسلت الدجاج زين وحطيته على البصل وحركته
فرمت طماطمه صغيره وبرضوو حطيتها على البصل والدجاج ومكعب ماجي وشوي صلصه
وجلست على النار احركها لحد مانشفت الخلطه
وصبيت مويه وخليتها تغلي تقريبا نص ساعه لحد ما استوى الدجاج
حطيت نص ملعقه صغيره فلفل اسود مطحون ناعم
طبعا ماحطيت ملح لان الماجي مالح والمرق حيكون قليل
حطيت عليها 3 ملاعق ملوخيه ناشفه امي مسويتها نظيفه ومطحونه ناعمه
طبعا لازم المرق حق الدجاج يكون شوووي عشان ماتفصل الملوخيه وطبعا ما اقفل عليها بالغطاء برضو عشان ماتفصل الملوخيه وهذا سر من اسرار نجاح الملوخيه
وخليتها تقلب على كيفها والنار مرخيه
وانا اعمل الطشه
2 فص ثوم مدقوق مع كزبره ناشفه ملعقه صغيره وشوي زيت اقلبها لين تحمر
طشيتها على الملوخيه وخليتها تغلي غليه وحده وقفلت منها
وطبعا اكون مجهزه الرز
كاس رز غسلته وحطيته على طول في القدر من غير تنقيع مع نص اصبع زبده وحركتها على النار لحد مابدا الرز يلزق بالقدر وصبيت مويه وملحت الرز وخليته لحد ما استوى كل شوي ازود مويه
وبس تراها مررره سهله بس انا كثرت كلام عشان تعرفون الطريقه صح
يلا ترا هذا اول موضوع لي هنا شجعوني عشان انزل طبخاتي الباقيه اللي من سنة جدي ههههههه
