والله انا استفدت من قسمكم الشيئ الكثير
وشكرا جزيلا للأخوات المشاركات
قلت لازم احطلكم الشيئ اللي ممكن انو يفيدكم
وجبتلكم معايا معمول سهل مرة مرة مرة ولزييييز:23:
أول شيئ المقااادير :
كاسة دقيق
اصباع زبدة سايحه
سته قطع جبن كيري
طبعا هادي مقادير العجينة
الحشوة عبارة عن معجون تمر تسويه كور صغيرة مرة
الطريقه:
تعجن مقادير العجينة مع بعض الين تسير عندك عجينة متماسكة
بعدين خدي قطعه من العجينة واعمليها كورة صغيرة وافتحيها بهادا الشكل
وبعدين حطي التمر جوتها وغلفيها بالعجينة طبعا خليها صغيرة علشان تكون حلوة في التقديم
بعدين رصيها في صينية مدهونة بقليل من الزيت ودخليها الفرن
طبعا ولعي عليها الفرن من تحت الين تنضج راح يكون قليل مرة تقريبا 12 او 15 دقيقه
وبعدين ولعي عليها الفرن من فوق حتى تحمر من فوق شوية كما باقي الاشياء اللي تخدل الفرن
لما تخرجيها من الفرن وهي حارة حطيها من فوق في سكر مو ناعم مرة ولا خشن
وتقدم وهادا شكلها النهائي
جربوووها تراها لزيزة وانا استنا ردودكم :27:
بس الصور ماطلعت :44: