هذا رد راح اسجل فيه ردود لكل استفسارات البنات اللي تتكرر وتجيني العشرات منها يومياً من شهر كامل .. وارجو من كل البنات يقرأونها زييييين .. توفير لوقتهم ووقتي وتوفير لفلوسهم (تكلمني الوحده بالجوال من 5 دقايق الى 15 دقيقه )

وأحب انوه : يعجبني اذا دقت البنت وهي فااااااااااهمه تقنية الرولر وعملها وانواعها وصناعتها واسعارها وكل شئ عنها متبحره فيها .. والله تعجبني ودي ابوسها على رأسها ..

كنت اقول وما زلت اقولها ارحب بكل استفساراتكم ( الجديده والغير مكرره ) وراح افيدكم بكل اللي اعرفه بإذن الله ..
لكن سامحوني والله تعبت من كثر الاتصالات والرسايل المباشره والمسنجر ورسايل البريد تتكرر نفس الأسئله .. مع انه كل شئ واضح بمواضيعي ..

هنا راح اجاوب على اكثر الأسئلة تكراراً ..



عالعموووم الأسئله هي :

وش صناعة الرولر ؟ أصلي والا تقليد ؟
هل الرولر قطعه وحده بمقاس واحد والا يجي معه قطع غيار بباقي المقاسات ؟

وين القى هذه الأداة ؟


هل ينفع للتصبغات ؟
هل ينفع للسواد تحت العين ؟
هل ينفع لترهلات الوجه ؟

هل اوصل للدول العربية وبكم احسبها ؟

كيف استخدامها الرولر بالتفصيل ؟
وش الكريمات اللي استخدمها وهل لازم كريم الكولاجين اللي انا استخدمته لوجهي ؟

متى حصلت على النتيجه لمعالجة الندبات بوجهي .؟؟ وهل صحيح نفعت معك ياتاعبني ؟؟

اي مقاس ينفع لي ؟

بكم سعرها ؟





الأجوووبه بالتفصيل ..


وش صناعة الرولر ؟ أصلي والا تقليد ؟

من حق كل بنت تعرف كل تفاصيل المنتج اللي تفكر تشتريه عشان تقرر على اقتناع وانا هذه سياستي بكل شئ اقدم عليه بحياتي وراح اقدّم لكم نفس السياسه اللي احبها

الرولر هذه صورته ..


وهو نفس اللي استخدمته من 10 شهور مضت .. لا خفت حدة الابر ولا تفككت ابرها ولا صدت ماشاء الله تبارك الله ..
وصديقتي برضو استخدامها للرولر دائم .. وما زالت محتفظه بجودتها ماشاء الله ..

اشتريه من امريكا من شركة امريكية بولاية فلوريدا .. لكن مصنعهم في الصين لرخص الأيدي العاملة بضوابط ومواصفات امريكية ..

وهذه معلومها فادتني فيها الأخت ( ذا بيوتي ) الله يسعدها



وتمت مراسلة الشركة للتفصيل بهذا الخصوص وقالوا :

ان الأداة متوافقة مع قوانين هيئة الغذاء و الدوا الامريكية fda و خضعت لاختبارات الجودة و السلامة .



هل الرولر قطعه وحده بمقاس واحد والا يجي معه قطع غيار بباقي المقاسات ؟

الرولر قطعه وحده بمقاس واحد
ولا يجي معه قطع غيار ابدا
اما انك تشترين 1,5mm أو 0,5mm أو 1,0mm أو أو 2,0mm
كل رولر منفصله عن الثانيه وكل رولر لها سعرها لوحدها ..



وين القى هذه الأداة الديرما رولر ؟

الأداة ما توجد بالصيدلية ولا بأي محل بالسعودية ( على حسب علمي ) ما فيه الا انك تطلبينها من امريكا عن طريق النت .. والحمدلله اني قدرت اوفرها لكم هنا في السعودية وفي دول الخليج .. لكل البنات اللي ما عندهم بريد امريكي + فيزا + التعامل مع المواقع الأجنبية + ما عندك صبر تستنين طلبك من هناك ..
ولو شفتيها الأداة وطلبتيها للسعوديه بتجيك بقيمة تقارب 240 ريال ..


هل ينفع للتصبغات ؟
هل ينفع لترهلات الوجه ؟

اصلا عمل الاداة تحفيز الكولاجين في الجلد .. فالابر الموجوده حسب مقاسها راح تغزز ببشرتك ويبدأ الكولاجين يدافع عن نفسه ويبدأ بالبناء والتجديد .. وطبعا معروف عمل الكولاجين الطبيعي اللي ربي خلقه .. انتي فقط تظهرينه على سطح بشرتك ويعمل طبيعي ..
وعمل الكولاجين ( للفائده ) يعالج التصبغات ويشد البشره ويملا الفراغات ويشيل الخشونه والبهتان والشحوب بالبشره ويعالج بإذن الله كل عيوب البشره السطحية ..

شوفي هنا الصور





هل ينفع لتحت العين ؟

اولا فيه عدة اسباب لهذا السواد لازم تعرفين وش مشكلة عيونك والمنطقه حولها بعدين تقدرين تحددين وشلون تعالجينها ..واذا مشكلتك مو صحيه او داخلية بإمكانك تستخدمين الرولر لتحسين انسجة هالمنطقه ولكن بحذر .. والمقاس المناسب لهذه المنطقه 0,5mm او اقل ..

هنا رابط لمنتدى اجنبي مترجم للعربيه .. فيه سؤال لوحده تسأل عن السواد لتحت العين .. وردت عليها الدكتوره ساره

http://translate.google.com.sa/translate?hl=ar&langpair=en%7Car&u=http://forum.owndoc.com/showthread.php%3F167-Dark-circles-under-eyes-red-blotches-broken-capillaries



هل اوصل للدول العربية ؟

بإذن الله راح اوصلها لهذه المناطق بنفس القيمه ماراح ازيد سعرها لأي سبب .. ومقتنعه بالمردود المادي اللي ربي يرزقني اياه ..
لكن الشحن على الزبونه وهي بكيفها تختار شركة الشحن اللي تبيها ..



كيف استخدامها الرولر بالتفصيل ؟

بعد ما تنظفين وجهك او تعقمينه وتعقمين الرولر تمررين الرولر برفق على المنطقه اللي تبينها بشكل افقي 10 مرات وبشكل عمودي 10 مرات وبشكل مائل 10 مرات .. يعني تمررينها بكل الاتجاهات رايحه جايه .. بس كل اتجاه بسهم محدد ..
يعني كذا شوفي الصوره

تابعي الخطوات مرقمه ..



وش الكريمات اللي استخدمها وهل لازم كريم الكولاجين اللي انا استخدمته لوجهي ؟

ببداية استخدامك للرولر تستخدمين كريمات مضادة للإلتهاب .. زي مومينتا ودكسبان وفيسودين وغيرها من الكريمات ..
لأن وجهك يتلهب ساعة واحيانا ساعتين بعد ما تسوين الرولر ..

بعدين بعد الاستخدام الرابع او الخامس للرولر تقدرين تستخدمين اي كريم تحبينه ( مدعم بالكولاجين او بالفيتامينات ) بدل كريمات مضادة للإلتهاب لأنك خلاص ماراح تحتاجينها ..
اما تحطين الكريم بعد استخدامك للرولر مباشره او قبل ما تبدين تستخدمين الرولر .. كلها واحد واللي تحبين سويه .. كل بروفسور له وجهة نظر بهالطريقة ..

ومو ضروري ابدا تستخدمين نفس الكريم اللي حطيته انا هنا بالموضوع .. البنات بس سألوني وذكرته لهم وطلبوا احط صورته .. وهو موجود بأي صيدلية ب175 ريال ..
بس تقدرين تستخدمين اي كريم .. اي كريم فيه نسبة كولاجين وفيتامين هـ عشان يساعد على بناء وتجديد الكولاجين وتستفيد منه بشرتك ..او كريمات ترطيب .. او كريمات تساعد على معالجة السترتش مارك او تحت العين او السلولايت او بهتان البشره ..



متى حصلت على النتيجه لمعالجة الندبات بوجهي .؟؟ وهل صحيح نفعت معك ياتاعبني ؟؟

التجربة شخصية للعضوه( ياتاعبني ) محدثتكم الآن ..
واستخدامي لها اقل من المتوسط ومع ذلك شفت نتيجه حلوه .. والنتيجه قريب 70 % او تزيد الحمدلله .. وهو معدل جدا رائع اني اوصل له .. لأن الندبات مالها علاج نهائي بكل العالم .. حتى الفراكشل ليزر ترجع الندبات بعد فتره من جلسات الليزر رغم ان الجلسة حوالي 1800 ريـال ..
وراح استمر عليها لأني اثق اني بحصل نتيجة 100% ..

ولا خليتها للحين عشان اقدر احكم هل يرجع بعد ما اتركه او لأ ..

ولا راح اخليها لأني مستفيده منها بكل الأحوال .. للنضاره وتخفيف التجاعيد واحس اني وجهي منتفخ نوعاً .. راح استعملها لو بالشهر مره احافظ على نضارتي ..



اي مقاس ينفع لي ؟

من جد يحرجني هالسؤال .. ما ودي افرض عليك مقاس معين ..
كل وحده حسب حاجتها ..
انتي شوفي المقاسات ووش تعالج .. وحددي مشكلتك بالضبط وحددي المقاس اللي تبينه ..


بكم سعرها ؟


240 ريال فقط لا غييييييييييييير ..
وللي تاخذ كميه لها سعر خاص فصلته بموضوعي التجاري ..


وشكرا لكِ لقراءة هذه التفاصيل .. واذا عندك اي استفسار ارحب فيها بهذا الموضوع ..

وما اريد منكم الا دعاء في ظهر الغيب لصديقتي الغاليه .. والله لولا الله ثم مساندتها لي في هذا الموضوع ما شفتوا هالسهولة في توفير الأداة ..

مشكوره يالغلا

العفو ولو

جزاك الله الف خير
شكله رررهيب
الله يووووووفقك انتي وصديقتك

وياك يا سوسو ..

والله يوفقك انتي ..