اسهل واسرع بيتزا

هذي البيتزا مافي اسرع منها دايما اسويها في الزنقات..........
المقادير
عيش توست او عيش صامولي مقطع دوائر بالقطاعة
حليب سائل
ملعقتين جبنة سائلة اي نوع والذ شي كرفت
ملعقتين مايونيز
صلصة بيتزا ممكن الجاهزة وممكن البيتي <<يعني الي انتي تسوينها دايم للبيتزا
الي تحبي تحطينه على الوجه عندك مثلا مشروم وفلفل رومي وزيتون وسلامي اي نوع تفضلينه
وطبعا جبنة موزريلا

الطريقة
تغمسي التوست او الصامولي في الحليب وترصينه في الصينية المدهونة بالزيت عشان ما يلصق
وتخلطي الجبنة مع المايونيز وتحطي طبقة خفيفة على العيش
تحطي فوقها الصلصة
وبعدين باقي الاضافات
واخرشي الجبنة وعلى الفرن شوي من تحت يعني خمس دقائق وبعدين من فوق شوي لين تسيح الجبنة
والله لذيذة والي تجربها تدعيلي