السلام عليكم ورحمة الله وبركاته
هديه مني لكل عضوات عالم حواء
صينيه بطاطس وبدون قلي
اليوم جايبه لكم طريقة صينية بطاطس بدون قلي لاني بصراحه دايم اقلي البطاطس والباذنجان لما اعمل صينيه وبتطلع لذيذه بس القلي يخليها دسمه مره فقلت اعمل بدون قلي هذي المره اسرع واخف وان شاء الله تعجبكم انا عملتها زمان وقلت اصورها يمكن انزلها في يوم والحمد لله اليوم قلت خليني انزلها
بس ابغى تشجييييييييييييييييع عشان اكمل
المقادير:
الخضروات: بطاطس-جزر-طماطم-بصل-ثوم وممكن تضيفي فلفل رومي وكوسا او اي خضار ثانيه بس انا حطيت الموجود عندي والجود من الموجود
البهارات(الابازير):1مكعب مرقة ماجي-ورقة غار-قرفه-كمون-هيل-فلفل اسود ممكن تضيفي ملح وبهار ثاني بس انا بالنسبه لي كفايه مكعب الماجي ملح وبهار
ارجل او فخوذ دجاج او صدور كمان كله ماشي حتى لو دجاجه كامله بس انا ماكان عندي الا ارجل
2ملعقه كبيرة معجون طماطم
طبعا قطعت الخضار طولي وحطيتها في الصينية ونظفت الدجاج وشلت الجلد وحطيته معاها
حطيت معاها ورق الغار واعواد قرفه
وجبت كوب كبير حطيت فيه مكعب الماجي ورشة من الكمون والقرفه المطحونه والفلفل الاسود والهيل ومعاها معجون الطماطم وحطيت عليها مويه دافيه وقلبتها بالملعقه وحطيتها عالصينية وقصدرتها ودخلتها الفرن لمدة 25 ال30 دقيقة وومكن اقل لو فرنك حامي وهذي صورتها
وهذا صحن حطيته لعيلي خليته لهم كانو نايمين وقلب عشاء خخخخخخخخ
وهذي صورة اقرب
وهذا لاول وحدة ترد ودعواتكم
سوسو حبيبي @soso_hbyby
محررة برونزية
يلزم عليك تسجيل الدخول أولًا لكتابة تعليق.
دمعتي ألماس
•
ووواااووو لذيذه وأنا بأخذ القطعه لإني إن شاء الله أكون أول وحده ردية
دمعتي ألماس :ووواااووو لذيذه وأنا بأخذ القطعه لإني إن شاء الله أكون أول وحده رديةووواااووو لذيذه وأنا بأخذ القطعه لإني إن شاء الله أكون أول وحده ردية
يسلموا
الصفحة الأخيرة