ازيكم يا احلى بنات ان شاء الله تكونوا بالف خير يارب
من يومين عملت كيكة شيكولاتة وكانت والحمد لله رائعة والمهم انها كانت سهلة جدا وسريعة
المقادير
كوب دقيق_م ك بيكنج بودر
3م ك زبدة
نصف كوب حليب
2بيضة_فانيليا
نصف م ص خل
3م كاكاو خام
كوب الا ربع سكر ناعم
الطريقة
من اسهل ما يكون بنسيح الزبدة على النار
ونضيف كل المكونات على بعض وعليهم الزبدة ونقلب بالمضرب اليدوى اقل من دقيقة ونصبها فى صينية مدهونة وندخلها فرن ساخن
ولما تطلع نسيبها تهدى شوية ونحط عليها صوص شيكولاتة
الصوص اللى عملته كان عبارة عن نصف كوب حليب دوبت فيه م ص نشا و م ك كريم شانتيه بودر و عليهم قطعة شوكولاتة مطبخ و م ص زبدة وكله على النار مع التقليب ولما غلى وتقل شوية طفيت عليه وبعدين سيبته يبرد شوية وصبيته على الكيكة
والله يا بنات طعمها رائع
النهاردة عملتها تانى بس من غير كاكاو
المقادير
كوب دقيق_م ك بيكنج بودر
3م ك زبدة
نصف كوب حليب
2بيضة_فانيليا
نصف م ص خل
2 م ك نشا
كوب الا ربع سكر ناعم
الطريقة
من اسهل ما يكون بنسيح الزبدة على النار
ونضيف كل المكونات على بعض وعليهم الزبدة ونقلب بالمضرب اليدوى
اقل من دقيقة ونصبها فى صينية مدهونة وندخلها فرن ساخن
ولما تطلع نسيبها تهدى شوية ونحط عليها الصوص
والصوص اللى عملته كان عبارة عن
م ك كريم شانتيه و3 م ك سكر و م ك حليب بودرة وم ص زبدة وربع كوب مياه باردة
ونقطة لون احمر ضربته كله فى الخلاط وزوقت بيه الكيكة
اتمنى تعجبكم
والله يعطيك العافيه