اكيد كل منا يطبخ اللحم او الدجاج
وهذى فرصه ان ناخذ من ماء اللحم او ماء الدجاج لعمل احلى الشوربات
ماء الشوربه طبعا راح يكون مبهر وخالص لان سالقين فيه اللحم اوالدجاج واكيد عليهم البهارات الحب مثل (الدارسين .. والفلفل الاسود ... والكركم ... والمسمار... وورق الغار ...والهيل ... والبصل ... والثوم )
نصفي الماء من البهارات الحب ونستعمل هذا الماء في عمل الشوربات
ماء اللحم اوالدجاج .... نحطه في قدر مناسب ونضيف عليه
جزر مقطع
بطاط مقطع
كوسا مقطعه
بصله مقطه اربع اقسام
طبعا الخضار نخليها تطبخ جيدا ونتركها تبرد قليلا ثم نضعها بالخلاط .... وتعاد على النار مع اضافة الملح
وبعدها ممكن نضيف الشوفان او الشعريه... او المكرونه الصغيره (اختياري)
وممكن تكون البطاط لوحدها وتصير شوربة بطاط
وممكن تكون الكوسا لوحدها وتصير شوربة كوسا
وممكن يكون الجزر لوحده وتصير شوربة جزر
وحتى نعطي نكهه محببه اكثر .... نفرم بصله صغيره في الزيت ونحمسها ... ثم نضيف عليها الشوربه بعد الخلاط
وايضا الكزبره تعطي نكهه محببه
وانا صرت دايم اسوي هالطريقه بدل الماجي والشوربات الجاهزه اللي مالها اي فايده وتطلع احلى وافيد واستهلك فيها الخضار اللي عندي بدل ما تخرب بالثلاجه
وايضا العدس ممكن اسويه بنفس الطريقه
وممكن اطبخ عدس لحاله
او اطبخه مع الخضار
والعدس نسوي له طريقة البصل المحموس يطلع اطيب
بهارات الشوربه هي
الكمون والفلفل الاسود والملح وخاصتا للعدس .... (وممكن نضيفها لباقي الشوربات لان اصلا ماء السلق اللي اخذناه مبهر )
وممكن اضافة الرز ايضا لشوربة الخضار .... ربع كاس يكفي
كل اللي قلته ماله مقدار معين وكله بالنظر يعني تاخذين ماء السلق على كثر ماتحبين ويكفي عائلتك
والخضار حبتين او ثلاث ايضا حسب مقدار الماء
وراح يطلع الخليط ثقيل بعد الخلط .... واذا شفتيه كثير ثقيل ممكن اضافة الماء الساخن له
ويزين بالخبز المقلي بالزيت الزيتون
وتزين ايضا بالخضار مثل الكزبره او البقدونس
واتمنى اني اكون افدتكم بهذى المعلومات
الله يجزيكي كل الخير