كيف الحال يا حلوين ان شاء الله تمام واموركم ميه الميه اليوم جبتلكم وصفه سهله وبتجنن للسمك وان شاء الله رح يعجبكم انا متأكده لانه ببساطه لذيذ ورائع وسهل جدا
المقادير
سمك اي نوع بتحبي وانا عن نفسي بفضل السمك الكبير اي نوع طبعا بس بحس طعمه اطعم وانتي واختيارك
الحشوه رح تكون عباره عن :
بقدونس مفروم ناعم كتيررر تقريبا حزمه كامله
ثوم راس كامل مفروم ناعم
بندوره حبتين مفرومين ناعم
الي بحب الحر يحط فلفل اخضر حر بيطلع بيجنن بس المره استغنيت عنه عشان الاطفال
فنجان زيت زيتون
عصير تلات ليمونات
فنجان مي
البهارات
كاري معلقه
كمون معلقه
بهار حلو نصف معلقه
فلفل اسود ربع معلقه
ملح حسب الرغبه
:pinklove::biggthump
الطريقه بعد ما أنظف السمك كويس وانا بحب انظفه بخل وليمون وطحين وبخلي ساعه منقوع وبغسله ما بضل في اي أثر للزفره بعدها بخلط نصف كمية البهارات المذكوره بصحن مع عصير ليمونه وشوية من زيت الزيتون وبشرح السمك على الجهتين وبفركه كويس بالبهارات وبخلي تقريبا 4 ساعات ولو مستعجله عادي لو ما انتقع برضو بيعطي نفس الطعم الرائع بس بحسه احلى مع النقع بعد هيك بحشي بالخلطه بعد ما اخلط المقادير مع بعض مع باقي كمية البهارات والزيت وعصير ليمونه وبحشي السمك في وبحشي من برا بالفتحات الي عملتها في وبحطه بالصينيه وبحط عصير الليمونه الفاضله وفنجان المي وبغلفه بالقصدير كويس وبحطه بفرن واطي لمده نص ساعه تقريبا بيكون خلص جهز وبشيك علي قبل لو السمك صغير يمكن يستوي قبل النص ساعه وبحمره وتلذذي بأحلى سمك والله روعه وبقدمه مع سلطه خضرا وبطاطا مقليه او حتى رز ابيض زي ما بتحبي ولوحده كفايه :hearts::hearts:
وصحتين يا حلوين ويارب يعجبكم ما تنسوني من التقييم :hearts: