احمدو ربكم على النعمة انا ولا مرة ماجاب لي هدية و الله وردة ماشفت منو
اخواتي فترة ملكتهم و ماراح اتكلم عن زواجهم بس فترة الملكة ما يجو ازواجهم يزوروهم الا و في يدهم هدية يا ورد يا عطر يا قطعة ذهب يا اي شي حلو
حتى اخواني لما يروحو لزوجاتهم كانوا لازم ياخدو اشياء زي كدا
و طبعا اخواني و ازواج اخواتي ياخدولهم بدون مايسألوهم
انا زوجي من فترة الملكة لازم يدق عليا يسـألني ابغا اجيب لك هدية ايش تبغي؟
بالله هادا سؤال؟
و القهر اني كنت دايما استحي و اقولو نفس الكلام انت اغلى هدية و كان فعلا يجي و ما معاه شي
و دايما يعيد نفس الكلام ايش اجيب لك هدية و انا استحي و ما اطلب و يجي يدو فاضية
كنت اتوقع اني لو استحيت و ما طلبت هو كمان راح يستحي و يجيب شي بدل ما يجي و يدو فاضية لكن لا حياة لمن تنادي
قسما بالله وردة وحدة ما قطفها من الشارع و جبلي هي لا في الملكة و لا بعد الزواج
و بعد الزواج قعدنا شهر سوا ما خليت هدية ما جبتلو هي و هو و لا مهتم و لا شفت منو شي
قسما بالله قهر اخواتي دايما يعايروني بهادا الشي
لا و لازم كل يومين يقوللي انا ما احب اعياد الزواج و الميلاد و الهدايا و الحفلات
شكلو بيسمع
اصلا بطلت اشتريلو شي و الله لو تطلع عيونيو ماراح اجيب له هدايا و لا احتفل بأي شي يخصو و لا عيد ميلاد و لا زواج و ترقية و لا شي
العين بالعين و السن بالسن و البادي اظلم
احمدو ربكم على النعمة انا ولا مرة ماجاب لي هدية و الله وردة ماشفت منو
اخواتي فترة ملكتهم و ماراح...
احبك الله الذي احببتيني فيه مشكوره ع الدعوه ياقلبي انتي♡