بسم الله الرحمن الرحيم
طبعا يابنات عالم حواء وللي يبي يزور الكويت تشغل الطابعه وتحط كلاس شاي وتسوي PRINT للصفحه واكيد اذا زرتي الكويت راح تدعيلي لاني وبكل بساطه راح اوفر عليك التعب وعناء السؤال :angry:
اولا للدراعات
طبعا لاحظت ان اكثر الاخوات يحاولون يدورون عن اماكن الدراعات المصممه بالكويت وانا احب اقولكم روحي مجمع العربيد راح تلاقين كل شي بخاطرك لانه وببساطه مجمعين متجاوررين مكونين من اكثر من 50 خياط متخصص بشغل الدراريع فقط ويقلد جميع التصاميم التي ترغبين فيها وكل محل عنده عرض لاكثر من 40 دراعه مختلفه في الموديلات هذا اذا ماكان اكثر وتقدرين تخلينه باول رحلتك اما ان يعجبك شيء وتاخذينه جاهزاو تخيطين موديل وتخلينه يستعجل عليه ويخلصه باليوم الثاني بس بصررررررررررررراحه عجيييييييييييييييب
اما لمحبات التصاميم فانا سبق وطرحت موضوع للمصممات بالكويت على هذا الرابط وكانت المعلومات مجموعه ومنقوله من منتديات اخرى ويعتبرون من افضل المصممين في الكويت
http://forum.hawaaworld.com/showthread.php?t=372345
للدراعات الجاهزه فانصحك تروحيين مجمع الاوقاف مجمع متكامل للدرايع الجاهزه
لخامات السهره والخامات الراقيه
مجمع النقره الشمالي السرداب بس غالي حبتين مجمع الدبوس بالفروانيه السرداب
البـــــــــــــــــــــــــلوكات لاتطوفك محلات متنوعه للاقمشه السهرات وللحفلات وللخامات الهنديه المميزه للدراريع لايطوفك التراث الهندي خامات جدا جدا مميزه وهو موجود بالبلوكات بس اسألي واهما بيدلونك عليه على طول
للملابس من بدلات.... تنانير...بلايز الخ
افضل مجمع شرق وسوق السالميه الجديد ( ستي سنتر) ومارينا مول ومجمع كويت ماجيك والفنار
للشحاطات والجزم والشنط الخ
مجمع منيره بالسالميه والحوش الي يمه وسوق السالميه الجديد (سيتي سنتر )
لمحبي الاسواق الشعبيه
شارع سالم المبارك (السوق الرئيسي) وهو سوق ممتد ينقسم إلي أكثر من جزء ويسمي بالساسوق السالمية القديمه وسوق السالمية الجديده وافضل السالميه الجديده حيث الاسواق الشعبيه على امتداد جانبي الطريق ( الجوهره , الموسكي , المحاميد , بيت اولادنا , مستوره , الموعد الخ ...) وسوق السالميه القديم بمجمع منيره بالسرداب سوق شعبي جميل
اسواق الفحيحيل , اسواق المباركيه الخ,,,,,
للعباءات والشيل
مجمع النمران بالفروانيه مجمع متكامل للعبي والشيل
ولاتنسين تمرين سوق الجمعه اذا كنتي بالديره يومين الخميس والجمعه سوق بسيط لكن حلو جدا جدا ويعتبر مثل السوق السوده
للمكياج
بدلك على وحده تبيع لجميع صالونات الكويت وبتلاقين عندها كل طلباتك رغم محلها المتواضع الي راح يطيح من عينك قبل لا تتعاملين معاه وراح تلاقين جميع الماركات الموجده بالكويت متوفره عندها من غير عناء وتعب اهي بالفروانيه على ظهر المجمع المجاور لمجمع الحمرا مول واسم المحل عروس البحر
اتمنى اني قدرت افيدكم واي سؤال انا حاضره والله الله بالدعوات وياليت كل وحد تمر ترفع الموضوع عشان يستفيد الجميييييع :angry: :) :)
شهدQ @shhdq
عضوة فعالة
اسواق اسواق اسواق اسواق اسواق اسواق في الكويت اكيد راح تدعيلي حياك <<<<<<<<<<<<<<<<<<
ساعدوني •
14
27K
يلزم عليك تسجيل الدخول أولًا لكتابة تعليق.
يعطيك العافيه اخت شهد
نسيتي العربيد بلازا اغلب اسواق شرق فيه وارخص شوي
والبلوكات غاااالي واغلب خاماتهم عند المحلات الداخليه مثل النقره الشمالي والعربيد وفيه مجمع المهلب وبالجهرا مجمع واره
هذا اللي ذكرت اللحين
والله يعطيك العافيه اختي شهد على التسهيل
نسيتي العربيد بلازا اغلب اسواق شرق فيه وارخص شوي
والبلوكات غاااالي واغلب خاماتهم عند المحلات الداخليه مثل النقره الشمالي والعربيد وفيه مجمع المهلب وبالجهرا مجمع واره
هذا اللي ذكرت اللحين
والله يعطيك العافيه اختي شهد على التسهيل
*_*
•
يا حبيلك يا شهوووووووودة ..
تسلمين لي يا قلبي ..
فعلا محتاجين هالأشياء ..
والله أفكر أجي للكويت علشان الجلابيات .. أقلها الخميس والجمعة ..
الله يرضى عليك .. وموضوعك دايركت المفضلة ..
وشكرا جزيلا ...
تسلمين لي يا قلبي ..
فعلا محتاجين هالأشياء ..
والله أفكر أجي للكويت علشان الجلابيات .. أقلها الخميس والجمعة ..
الله يرضى عليك .. وموضوعك دايركت المفضلة ..
وشكرا جزيلا ...
شهدQ
•
دمع الحيه ولاتحتارين حبيبتي بس سوي copy للموضوع وخليه عندك متى ماذن الله مرجعك يكون موجود ولاتحتاسين ودورين وتسألين :angry:
الصفحة الأخيرة
عالعموم مشكورة