الوصف بالظبط وانتي جايه من الشمال يعني من جهة مخرج 9 و10 تاركتهم وراك وكانك بتروحين ايكيا تلفين من مخرج 17 يمين وتستمرين اول اشاره لا يمكن ثاني اشارة او قبل ثاني اشارة بتجيك مستودعات محلات كبيرة مرة على يسارك لفي يسار هذي كلها اثاث فيه كنبات بس مو كثير فيه طاولات ومداخل وسفر المهم المحلات اشكال انواع اقرب مالها بضايع اسواق العويس وبن دايل بس انها والمحلات المتوزعة في كل مكان بس هي ارخص منهم بس ماشفت اجهزة كهربائية
اما الموكيت بتلقينه على نفس الشارع بدون ماتلفين يمين ويسار على يمينك محلات كبيرة فيها بقايا القطع الي في المحلات ممكن تاخذين لغرفة او غرفتين بس ماتقدرين تفرشين البيت كله نفس القطعة لانها بقا يا الامتار الي في المحلات بس مو مشكله احسن كل غرفة لون
ترا هو مو بعيد مرة حول ايكيا بس لازم تروحين مع رجال لان المكان كله رجال وفاضي شوي وكله عمال ماتدرين وش يبون والله يوفقكم وتاثثون بيتكم احسن اثاث وتعيشون اسعد حياة وانا والمسلمين اجمعين امين وعذرا على التاخير بس كنت مشغوله شوي

هلا اخواتي الظاهر اسم الطريق طريق الامير سلما ن مخرج 17 انا سامعه عنه بس مارحت له

مخرج 17 قد رحت له رخيص والسبب انه مكان مستودعات

والله اخذنا من عندهم مدخل كان حلوووووو


بس مو دايم اشياء حلوه تصادف

واسعارهم معقوله بكل شي

بس الافضل تروحي اول العصر ولازم رجال لان اغلبه باكستانيين

كل شي فيه

فيه محل اسمه نصف السعر
جنب على كيفك اللي عند حي التعاون
عنده ثلاجات خطيره وبنص السعر

سألت لك حريم العيله ونفس كلام سكر مكر
قالت لي سلفتي عن محلات نصف السعر جنب على كيفك ويابلاش في حي التعاون
تقول ان اختها ماخذه منها ثلاجة ستانلس من برى ب3800 ريال وهي عند اكسترا ب8000 لكن كانت واجهتها مشطوبه شوي من النقل عشان كذا خيصة
وتقول ان الادوات الكهربائية اللي عندهم رخيصة لأنها يصير فيها عيوب بسيطه من النقل او التخزين لكنها شغاله عادي

اتمنى اني اكون افدتك