اسواق جده ولا الرياض وإلا الشرقيه ولا تبوك؟؟؟

السلام عليكم يابنات


انا وراي جهاز عرس وخرابيط ومن ناحية سوق بديرتي ماني مفكره اجهز

والرياض عندي خبره فيها بس الكل يقول لي لاتضيعين مهرك بالرياض ومهري خلقه مو ذاك الزود علشان اضيعه ودي استشيركم


ايهم احسن ؟؟؟ اسواق الرياض ولا جده ولا الشرقيه ولا تبوك لآني ممكن اروح لأي منطقه من هالمناطق اجهز بس اريد نصيحه


وحده من خالاتي جهزت بالرياض وهي سكنت بعد الزواج جده تقول ليييييييتني ماضيعت مهري بالرياض بس آآخ يالقهر ودايما تتذكرها وتتحسف تقول اسواق بجده احلا من الرياض وارخص وفساتين تجنن ورخيصه

بس انا مالي خبره بجده واخاف اروح مالقى اللي يعجبني بس اضيع وقت وفلوس


وناس تقول لي تبوك نفس اسواق الرياض ماراكتها وكشختها وارخص بكثيييير والاسواق حول بعضها مافي مشاوير بالحيل بس انا تبوك ماعرف بها ةشي ابد رغم اني راح اعيش فيها بعد الزواج


وناس تقول لي الشرقيه وبس رخص وزين وانا شفت اسواق الشرقيه قبل كذا كانت تجنننن بس كانت ايامها تخفيضات والاسعار هستيريه وماظمن وقت جهازي يكون فيه تخفيض واتورط بالاسعار النار



كل اللي اريده منكم نصيحه انتي ادرى بمنطقتك هل ممكن فعلا تشترين الفخم والحلو بسعر معقول؟؟؟؟؟؟؟؟؟؟ ووين بالضبط