اسويها يابنات حوا ولا لا ؟؟؟؟؟؟؟؟

اولا اشكر صديقتي العزيزة المتفائلة سمحت لي اكتب بمعرفها لان مافيا طولة بال اسجل عبال ماتتفعل العضوية لأني حيييييييييييييل مقهوووووورة اااااااه بس
اليوم يابنات كان عندي موعد بالمستشفى الصباح ولقيت بالسيارة اوراق وشوفتها لقيتها تذكرة سفر ع **** وحجوزات فنادق انا دارت فيا الدنيا طبعا زوجي ناوي ع السفر من غير ما يقولي المهم رجعت البيت مضااااايقه ولاكلمتو بالموضوع وراح للعمل .. طبعا الاجازه هذي بروح عندي اهلي عندنا شبكة بنت عمي وفرح بنت خالتي وهو مايبغى يجئ معايا يقولي بجلس عند اهلي مادريت انو مخطط على السفر وقلة الحيا يابنات والله مقهورة ومن صباح الله ونا دموعي على خدي نكد عليا الله ينكد عليه،، ونا اقول ايش فيه الرجال له فتره ماغير يهلي ويرحب فيا وكيفك يالغاليه وعساك بخير وقبل يومين جاي عندي يقولي سنتر بوينت مسويين تخفيضات رهيبه يلا مشينا!!! من متى الله يرحم تجي تقولي عالتخفيضات وتوديني من غير ما اطلب صحيح هو طيب وفيه إيجابيات بس مقهوووورة من تصرفو اللي من تحت لتحت 
المهم يابنات انا قررت اني الغي الحجوزات وتذكرة السفر من غير مايدري خليه يروح للمطار ويتورط ويرجع لان المواجهه مااااااتنفع معاه أبدا
ايش رأيكم يابنات بفكرتي انا قولت أستشيركم قبل ماسوي حركتي لأني ماحرتاح اذا سافر  وحتنكد عند اهلي
بالله ردو بسرررررررعه انتظركم