اسوي العمليه واتوكل على الله او لا رايكم مهم 😭

هلا اخواتي الغاليات كيفكم
انا جدا محتاره وقلقه ومتوتره بقول لكم موضوعي وابي رايكم اللي مجربه او تعرف احد مجرب هالشي
تفيدني الله يجزاكم خير..
انا ركبت لولب عادي وجلس فيني سنتين ماشي بعدها نزل دم علي شكيت انه متحرك ورحت عملت سونار وفعلا صار متحرك من مكانه فخيرتني الدكتوره تشيله او تخليه خاصه كان مسبب لي التهابات قالت انصحك ريحي فتره وارجعي حطيه
وفعلا شلته بعدها جاني نزيف حاد استمر معي اخذت حبوب عشان يوقف واقدر اصوم رمضان وفعلا وقف وصمت رمضان قالت الدكتوره بعدها ممكن تتكركين الحبوب عشان تنزل عليك وفعلا تركتها اخر رمضان
نزلت علي ٢ العيد استمرت معي مدة شوال كله نزيف بعدها وقفت شهر ١١ و١٢ عربي مانزلت علي
شهر ١ محرم نزلت جدا قويه نزيف حاد استمرت شهرين الى ٣ شهور مستمره بعدها وقفت شوي وصارت توقف يومين وترجع لي يعني ماطهرت منها
صارت تجيني دوخه وتعب وصداع مستمر مافيني طاقه ولا قوه
رحت المستشفي طوارئ قوى الأمن في الرياض قالوا لي لازم تجين موعد عشان نكشف عليك وعطوني حبوب على اساس تخفف الدم لاكن الحبوب ماناسبتني سببت لي تجلط في الدم
اخذت موعد بعدها بشهر ٤ رحت للموعدي شافتني الدكتوره عملت لي سونار قالت احتمال ورم ليفي وخذت مسحه مني وعينه من عنق الرحم وعطتني موعد بعد شهر بعدها رحت للموعدي وقابلت دكتوره ودكتور اسمه عبدالله الشهري استشاري كلمني عن نتايج المسحه قال ان فيه سماكه في الرحم والعينه قال ماكانت كافيه فطلبوا يرجعون ياخذون مني عينه واخذوا مني العينه.
قالوا لي انا بنعمل لك عملية منظار و كحت للرحم وهي عمليه مهمه نشوف الرحم من داخل بالضبط ونعالج المشكله.. عطوني مهله افكر. اعطيهم قراري.
هل اسوي العمليه عشان النزيف مع الدوره بيرجع ويتعبني خاصه دورتي كانت منتظمه لكن من شلت اللولب انحست وتعبت
او اصبرماأسويها واتحمل النزيف انا محتاره وخايفه اول مره اسوي عمليه.
قريت عن مضاعفاتها وقريت عن فوائدها
اتمنى اللي جربت هالنوع من العمليات تفيدني لاني قلقه والله
اللي تعالجت قبل عند هالدكتور تعلمني هل هو جدير بالثقه يعني ممتاز انا خايفه يجيني نزيف اثناء العمليه..
بنتظر رايكم ياأخواتي جزاكم الله خير باسرع وقت ابي ردود لازم اقرر بسرعه