السلام عليكم
يا بنات يا حلوات
انا مشتركه في نادي جولد جيم في جده اكييييد معروف طبعا وحصلت لي ظروووف طارئه و أبغا احول عضويتي للي تبغاها طبعا اشتراكي لمدة سنه وانا اشتركت شهر اربعه هجري يعني باقي 8 شهور ،،
فرجااااء بنات اللي جاده وتبغى الاشتراك تراسلني ع الخاص
ونتفق على كل شي
بالنسبة للنادي :7_5_131:
في مسبح ، سونا ، اجهزه تخسيس زي الاوربيتراك و السير وفي ممشى لو مؤ حابه تمشي ع السير ، في حصص لياقه مع المدربات طبعا انا ما دخلت الحصص كلها وما جربت كل المدربات جربت ثلاثة بس وكلهم ماشاءالله حبوبات ومتحمسات ولو تبغي تسألي عن شي ممكن تسألوهم وما راح يقصروا بالعكس يتمنوا احد يسئلهم عشان يساعدون خاصة وحده اسمها مليكه مرررره طيوووبه حبيتهاا ،، بعض الأجهزة قدامك تلفزيون بس تجيبي السماعة حقتك معاك وتتفرجي وفعلا متعه يروح الوقت وانتي ما حسيتي ولا تطفشي،، وفي ناس يجيبوا معاهم كتب او الايباد ويتابعون وقت ما يكونوا ع السير ،،
طبعا يحق لك تجلسي في النادي زي ما تبغي وتستخدمي الأجهزة اللي تبغيها والوقت اللي تبغي في وحده قابلتها في الكافتريا تقولي تجئ من الصباح بدري لما المغرب لانها تطفش من جلسة البيت وزوجها مشغول لأني تفاجات جسمها حلو بس طلعت انها مؤ عشان تخس لا تبغى تشد جسمها وتغير جو في النادي يعني مؤ بس تخسيس لا،،
انا كنت ناويه انزل تقرير كاااامل عن النادي بس للأسف ما مداني الفترة الاخيرة مره مشغوله بس هذي نبذه بسيطه عنه ،، و ما مدحت فيه الا وانا صادقة بكل كلمه ،، وربي شاهد علي أني ما ودي افرط في اشتراكي بس ظروف قااااااهرة أجبرتني ،، وممكن اللي جاده وتراسلني أقولها ظروفي عشان لا تفكروا أني اضحك على احد فيكم ،،
و أبغا فيها 2000 ريال
وطبعا عندهم ميزه اذا تبغي تجيبي أختك او امك او قريبتك معاك عاااادي يدخلوها بس لازم يكون معاها بطاقة أحوال ويكون عمرها فوق 18 او 17 سنه ما افتكر بالضبط
وكمان يحق لك توقفي اشتراكك لمده شهرين متتابعة او منقطعه والتوقف ثلاث مرات فقط وهذي الميزه ما استخدمتها انا موفرتها للي بتاخذ الاشتراك يعني لو بتسافري او جالك ظرف ممكن توقفي عضويتك وترجعيها بعد فترة ،،،
اتمنى اكون وضحت كل شي في الموضوع
واللي حابه تراسلني ع الخاص ونتفاهم
واعذروني اذا تأخرت في الرد
وكل عام وانتم بخير
واسأل الله ان يتقبل صيامنا
ويصلح حال إخواننا في سوريا
ويرزقنا ما نتمنى انه قادر على كل شي
استودعكم الله
يلزم عليك تسجيل الدخول أولًا لكتابة تعليق.
الصفحة الأخيرة
ورجاااااااااء يا بنات ترفعوا الموضوع الله يرفع قدركم ويتقبل صيامكم
ارفعي بذكر الله حتى تكسبي اجر كل من دخلت وقرأت ردك