اشتريت بمب فلور ومعاه هديه ..وسعر مختلف؟؟؟

هلا حبيباتي طبعا من كثر ماسمعت مدح عن بمب فلور رحت لدبنهامز وشميته وصراحه تذكرته في ريحة احد العطور اللي مرت علي بس كنت ناسيه اسمه يعني حسيت ان ريحته مو جديده بس قويه وثابته لدرجة اني في المحل قلت له عطر الكرت قال ماعندي واضطريت اعطر يدي وتورطت لاني رحت المطعم بعدها مباشره وجلست اغسل في يديني وحسيت انها باقي ماراحت

المهم كان السعر في دبنهامز475 او 480 والحجم 50مل وماش تحسفت عليه القيمه ويوم رجعت خابرين حرمه الا ماتنق وترجع للشي نقيت على زوجي رجعني رجعني قال احلمي يوم كان قدام عيونك عفتيه والحين غلى عندك قلت يالله مو مشكله وصيت اختي وقلت لها شوفي جيبيه من قزاز يقولووووون اللي بقزاز ثابت وراحت اختي واشترته لي تخيلو بكم؟؟؟؟ ب435 ولا معاه هديه بعد مزيل عرق ولوشن ومن الفرحه قلت لاختي حلالك الهديه وكني ماش تحسفت اشتهيت اللوشن والمزيل والله المشكله والله ماادري وش اسوي ؟؟المهم ماادري قلت شكلي بااشتري لها هديه غير واعطيها خخخ والله الحرمه الا مايغلى الشي عندها خصوصا اذا ماصار عندها
وتوته توته خلصت الحتوته