اهلين حبوبات
طبعا انا عندي في المسودات لسته بالاغراض اللي حاطتها في بالي وكل نزله سوق اخد شي او شيئين على حسب الميزانيه
المره هذي اخدت روجين من ماك
انا صراحه ابغى اتجنن على لون اسمه كروس وايرز مره نفسي فيه مره عاجبني بس كل مااروح اسال عنه مالاقيه وطبعا يبدا الاستغلال ويقولي شوفي هذا اللون قريب منه وهذا اللون يشبهه وانا مااحسها نفسه لكنها تعجبني واتورط يعني عشان ابغى كروس وايرز اخدت تقريبا اربعه ارواج ماكنت حاطتها في بالي
لكن الروج الاحمر روبي وو من اول مادخلت ماك عجبني وحبيته انا احب الاحمر المطفي اكثر من الضارخ احسه يعطي لوك ريترو واحسه حلو عالشفايف بس يبغاله حذر في مكياج العين
واللون الثاني اسمه كوستا شيك هوا قالي انه يشبه كروس وايرز بس انا عارفه انه مايشبهه لكنه عجبني وردي على اورانج غريب شويه
شوفوا الصوره مره كلامي كثير
اللي عاليمين كوستا شيك
والاحمر عاليسار روبي
مااعرف كيف اوصف كوستا هوا مو على ارونج صراحه احسه جاي على بطيخي ممكن ههههههههههههههه
مااعرف شوفوه في المحل حيعجبكم
ايش رايكم يابنات في الارواج
تتهني فيهم وتلحسينهم بالعافيه
سبحان الله عدد ما كان وما سيكون
وعدد الحركات والسكون