اشتريت غسالة المواعين وندمممممت!!!!
طبعا انا زي غيري ما اعرف غسالة المواعين ولا قد استخدمتها
اشوفها دايما في الافلام الامريكية واحسهم من الناس اللي تحب تختصر في وقتها كتير عشان كدا دخلت مزاجي
وطبعا دخلت النت وقريت عن الغسالات والتجارب وشفت الكل تقريبا يمدححححها وانها تنظف وتريح
وانا بصراحة من النوع اللي احب احط فلوسي في اشياء زي كدا رغم مادية زوجي المتواضعة
المهم اول شهر ينزل فيه حافز زنيييييت على زوجي ورحت اكسترا
طبعا اغلب الغسالات فوق ال2500 الا هذه كانت ب1690
ومع حق التركيب والتسليك ناسبت الميزانية تمااامااا
ويا فرحة ما تمت
انا استخدمتها تقريبا شهرين وكنت حامل
وارتحت تقريبا فيها (لاحظوا تقريبا مو تماااامااا)
يعني ممكن اخرج شيء القاه ما اتنظف مزبوط
لين في يوم صارت تغسل وتوقف عند المرحلتين الاخيرة وما تكمل والقى الصابون ما راح كلو
انا مرة انقهههررررررررت بصراحة
المهم انا قلت لزوجي وجبت رقم الوكيل وصلحوها وانا كنت عند اهلي ولادة
بعد ما رجعت استخدمتها ومو ذاك الزود بصراحة لين رجعت نفس المشكلة
برضو كلمت الوكيل وجوا اخذوها رغم دوام زوجي الصعععععععب (دوامين ويتعارض مع دوام الشركة)
صلحوها ووقتها انا اتوظفت وصرت اجيب شغالة 3 ايام في الاسبوع وما شغلتها
بس زوجي اصر اني اجربها قبل ما تنتهي فترة الضمان
جربتها وشفتها غسلت والصابون ذاب وكل شئ تمام
الشغالة على اساس انها تجيني امس وما جت
واستحيت من منظر المواعين
قمت حطيتها في الغسالة امس
ونففففففففس المشكلة
بس هذه المرة الصابون متكلكع رغم انها خلصت المراحل بدون توقف
بصراحة تعبببببببت
احيانا اقول يمكن انا اخذت نوع رخيص وما تنفع
ومستحية من زوجي لانو كان يشوف انو ماله داعي وانا اصرررريت
والله احيانا اقول لو اني حطيت فلوسي في ساعة الماس ابرك
على فكرة اسم الغسالة فريجيدير البيضا
من اكسترا المدينة
حبيت اكتب موضوعي عشان ما توقعوا بنفس الخطا
وياليت عندنا شيء اسمو حفظ حقوق المستخدم
شئ زي كدا بدل ما يقعد على قلبي ويضيع فلوسنا ارميه لهم واخذ حقي
الحمد لله على كل حال
وسلامتكم
أم القماري!!! @am_alkmary_3
عضوة نشيطة
يلزم عليك تسجيل الدخول أولًا لكتابة تعليق.
حطيت ملح وملمع وكللللووو من فنش
وبالنسبة للملمع تراه بس عشان بقع الموية ماله دخل بالنظافة نفسها
والملح عشان الموصير ما يصير فيها رواسب
ومن عيوووني رح اصورلك هيا
وحصورها والمواعين فيها
مقهوووووووووورة مررررررة
تسلمي حبيبتي على الرد
وبالنسبة للملمع تراه بس عشان بقع الموية ماله دخل بالنظافة نفسها
والملح عشان الموصير ما يصير فيها رواسب
ومن عيوووني رح اصورلك هيا
وحصورها والمواعين فيها
مقهوووووووووورة مررررررة
تسلمي حبيبتي على الرد
افضل شي انك ترجعينها وخلي زوجك صارم شوي وبدليها مع فارق السعر واشتري ال جي او ارستون قبل لايخلص الضمان الجهاز اذا خرب مرتين خلاص مستحيل يتصلح
الصفحة الأخيرة
..... انتي قبل لاتشرينها شفتي احد اخذ نفس النوع وماقلتيلنا صناعتها وياليت تصورينها علشان البنات يستفيدون منك وثاني شي يمكن مويتكم مالحه جداً او انتي ماحطيتي كمية الملمع والملح تمام