اشتريت غسالة انوماتيك عندي استفسارات

السلام عليكم ورحمة الله

اتمنى يكون فيه موضوع مخصص لاستفسارات الاجهزه لأني لقيت موضوع مثبت لاستفسارات الاجهزه والادوات الرمضانيه والغساله مو ضمنها :04: ولقيت مواضيع قديمه للشرح رايحه منها الصور

المختصر

امس اشتريت غساله اتزماتيك توشيبا سبعه نص كيلو لحد الآن ماشغلتها لانه ماجاء السباك يسوي تسليك

طبعاً هي تحتاج تسليك المواسير لتعبئة المويه
هل تحتاج تسليك للتصريف ؟؟ لأنه مو مععقول تصرف المويه من غيره ؟ او اني اخلي الخرطوم السفلي ممدود طول وقت الغسيل؟؟:39:

وهل فيه امكانيه اني اوقف الغسيل عشان اضيف قطعة ملابس مثلاً اوبعدين تكمل غسيل؟؟

اش كمان الدرج حق المنظف هل اقدر احط المنظف فوق الملابس مو في الدرج لاني كثير استخدم منظفين يعني كلوركس وتايد او احط فانيش

لأني لما جيت ابحث في النت لقيت كثير ناس تمدح انها تنظف ووو وناس تقول لا تنظيفها مو مره وكذا فعرفت انه السبب في طريقة الاستخدام لانهم يتكلموا عن نفس النوع
اش افضل الطرق بنظركم اهم شي الملابس البيضاء هل اعمل تنقيع وبعدين غسيل او اعمل غسيل كذا مره ؟؟:44:



واي نصائح اخرى خبركم عليميه في هالسوالف نبغى نتطور مع العالم
وربي يباركلي فيها ويخليها لي يارب :27:

وربي يسعدها ويحفظلها احبابها ويبلغها رمضان ويعينها عالصيام والقيام اللي تعلمني

وشكراً مقدماً