اشتريت غسالة LG وزوجي راح اشترك في مغسلة ملابس :$

السلام عليكم ورحمة الله وبركاته
قبل شهرين اشتريت غسالة ال جي ومدحها لنا صاحب المحل وفيها ومافيها وانا ماكنت ابيها لانها غالية وسمعت انها ماتنظف لكن لضيق الوقت ذاك اليوم ومعاي ديسك ومتلعوزة حدي اخذناها على طول وتوهقت فيها
والى الآن ماعرف لها ولا اعرف ازيد وقت الغسيل او انقصه ولا اعرف وين احط الكمفورت والا شلون النقع ولو غلطت في زر عادت لي الغسيل من اول وجديد 3 ساعات تغسل لين نصبح :024:
وليت ذي بس مشاكلها المشكلة انها ماااااااتنظف كلش ابد تطلع ملابسنا ربي كما خلقتني بقعها عليها وسواد ياقات الملابس كأني نقعت الملابس في ماي ورجعت نشفتهم فقعت مرارتي
تالي زوجي قال انا خلاص مابي تغسلين لي ملابس وخم ملابسه وراح اشترك في مغسلة ملابس شهريا :(
وانا مادري شسوي يقول لو خليتنا على غسالتنا الاولانية كان ابرك لنا تنظف واحسن منها
احط كلوركس وصابون بونكس او اي صابون موجود واحط 2 غطا من فانيش حق البقع ولا يسوون شي
الله يعافيكم شسوي عشان غسيلي يطلع نظيف المشكلة اذا زدت صابون ترجع تزيد ماي كأنها تعاند مرات اعصب واطفيها واشغل النشاف على طول اكثر العالم يقولون ماتنظف الملابس