شوقتوني أشتري غسالة اوتوماتيك .بس شالأفضل الغسالة والنشافة مع بعض والا كل وحدة لحالها ؟

نورس00
فيه أنواع يكونون الغسالة والمجفف منفصلين بس فوق بعض
لكن أنا خذت غسالة مجففه أتوماتيكية يعني 2 *1 الغسالة نفسها تغسل وتعصر بنسبة 80% وفيها زر خاص بالتجفيف إذا ضغطتي عليه تقدرين تجففين إلى 140 % يعني روعه مواصفاتها
بس هذا ما يمنع اني في المستقبل بخذ مجفف منفصل لأنه غسيلنا قسمين (يعني نغسل مرتين أبيض وملون)
فالأفضل أغسل الأبيض وأعصره بس بدون تجفيف وأطلعه على طول أدخله في المجفف المنفصل يجف وفي نفس الوقت أغسل وأجفف الملابس الملونه في الغسالة المجففة مرة وحدة


لأنه التجفيف يطول ألحين أنا أغسل الأبيض يوم والملون يوم ثاني بس بعدين بغسل كل شي في يوم واحد أتمنى تكونين فهمتي علي

مبروك أختي ام ميثا على الغسالة
وان شاء الله تدوم عليك الراحة

اختي غسالتك سعتها خمسة كيلو!!!!!!!
فهل يوجد منها سعة اكبر كعشرة كيلو؟؟؟؟
وهل تفضلين هذا المويل مع المجفف ام المنفصلة افضل؟؟؟؟
ممكن تذكري اهم مميزاتها وعيوبها؟؟؟؟؟
اعذرني اختي كثرت اسئلة لأني محتارة واتمنى الأفضل

أم توأم
نوع غسالتي غسالة مجففة (ووشر دراير) وما شي منها إلا 5 كيلو من ماركة ويرلبول
ولكن الماركات الثانية مثل إل جي بتحصلين سعات أكبر حتى توصل ل 12 و 13 كيلو
بس انتبهي يا أختي ترا هالنوع اللي يكون 2*1 يكون المجفف 1/2 سعة الغسالة يعني سعته 2.5 كيلو فعشان جيه أنا ما أملى الغسالة بالثياب وأغسل يوم بيومه والــ 5 كيلو تكفيني وتزيد بعد لأن نحنا 2 كبار وطفلين صغار (سنتين وسنه)
ما أدري عنج انتي وكم كيلو غسيلج

إذا تفكرين في الأفضل لج وتوفير الجهد والوقت والمال اشتري ال2*1 غسالة مجففة يعني ميزتها عن المجفف المنفصل انج بتحطين الثياب فيها وبتنسينها لين ما تجف بدل ما تطلعينها وتحطينها في المجفف يعني مرة ظبط برنامج وروحي عنها ولا تردين إلا وملابسج جافة وحارة
وإذا تفكرين في اللحف والكفرات فأقترح عليج تاخذين مجفف منفصل لأنه في غسل الكفرات الأعطال واردة فيخرب عندج شي واحد أفضل من خراب الإثنين

ونصيحتي خذي الغسالة المجففة كبداية وتراها مجففة على كل حال وانتي إذا ما تبين تجففين بندي خاصية المجفف وبس

أما أنا أبا بعد أشتري المجفف المنفصل زيادة الخير خيرين وعشان السرعه يعني أغسل الملابس البيضا بدون تجفيف في الغسالة المجففة وبعدين أطلعها وأحطها في المجفف المنفصل اللي بشتريه مستقبلاً مب ألحين طبعاً وفي نفس الوقت أحط الملابس الملونة في الغسالة المجففة وأشغل خاصية التجفيف فالإثنين بيكونون يجففون عندي الغسالة المجففة والمجفف المنفصل الزيادة

بصراحة أخواتي كلها مميزات ما فيها عيوب والله أتحسر على التأخير اللي تأخرته قبل لا أشتريها
وزوجي بدا يثق في قراراتي شوي شوي وعرف اني أفهم منه فيما يختص بأمور البيت :)