بالعكس رووووعه اشوفها عند اهلي لها عندهم اربع سنين وطبعا كرفناها كرف الويل

حنا عندنا المكنسة ....بصراحة جدا رائعة صحيح سعرها مبالغ فيه حقها 5000 بالكثير لكن حلوة في التنظيف بصراحة و نصيحة لا تخلينها بيد الشغالات حنا جلست سبع سنوات مثل الجديدة وحنا طول الوقت نكنس فيها البيت و الكنب و السجاد ومن يوم ما مسكوها الشغالات عدموها و صارت ما تسوى لها ريال كلمنا الشركة قالوا تتبدل ب9000 لكن القطعة الخاصة بغسيل الكنب او السجاد و البلاط ما استخدمناها صراحة

معليش خواتي مابي احطمكم انا اخذتها قبل سبع سنين ب8000
واعطوني بعدهديه قدور بس والله السعر مبالغ فيه وغير كذا تعب في الغسيل عبي مويا وارجعي كبيه
والحوض حقها تحت تعبيه مويا واذا نضفتي ع طول غسليها ولا الله يعينك ع ريحة العفن
وثقيله والقطع الثانيه ماستخدمتها ثقيله ومتعبه هذي ملاحظاتي عليه وكل واحد ورايه
وصاحبت الموضوع لاتندمي انك اخذتيها جربيها يمكن تعجبك

اشكركم على المرور واسعدني ارائكم الله يجزاكم خير هي قيمتها بالعرض 9200 ريال انا شريتهابالاقصاد دفعه اولى

3000 ريال وماكان معاي غير 500 اخدها وقال اليوم الثاني تدفعيها 500 دفعه اولى اقل شي واقصاد 6 شهور 1200 شهريا طبعا زاد علي 500 ريال عشان اقصاد يقول كل ثلاث شهور 250 زياده وانتي اخترتي ست شهور يقول المطوره بصراحه بنات اللي اعجبني انها اقصااااد عاد اختكم استانست وطلبت برشور وكتالوج عن اجهزتهم قلت دام الدعوه اقصاد اشتريلي غسالة صحون والمجفف الحراري للملابس وعلى فكره اختي قالت كان اول مااتصلو عليك شفتي وقريتي عن المكنسه بالنت مو ع طول تعطينه موعد ويعرض بضاعته وتبتلشين قلت عاد المره الثانية اي شي بشريه اشيك عليه ووووسلامتكم

ايه في شي نسيت اقوله يقول تجيك مندوبه تعلمك استخدام المكنسه

والله اختي جانا المندوب وطار قلبي وهو يشرح مميزات المكنسه بس رفض يشغلها
بس شرح يقول اشتروا واشغلها
زوجي من زين النفس عصب وقال وشلون اشتري شي من وصف بس ابغى اشوف
شغلها هو رفض وقال هاتوا دفعه واعتمدوا الشراء
بعدين دخل في محاضره من زوجي يقول ليه ماتعرضون سلعتكم في السوق
وليه وليه حوم كبدي وبعدين قال اسف ماني شاري

وبعد قال سعرها مبالغ فيه

الله يهنيك فيها اختي درة غرناطه