انا تزوجت سكنت في مدينة تبعد عن بيت اهلي ١٥٠٠كيلو تخيلو وبحكم عمل زوجي مانزل لهم الا في الاعياد ومرات مافي اجازة حتى للعيد اشتاق لبيت اهلي ولريحة امي وابوي وريحة بيت اهلي وبخوره لكن سبحان الله ما احب اطول لو نزلت احس نفسي صرت عبء مدري هالاحساس يراودني يعني اكثر من ١٥يوم ما احب اجلس لانه طبعا كثرة الزيارات عند اهلي من الاخوان والاخوات والجماعه تجعلني ما اخذ راحتي عندهم احب الهدوء

احن و اشتاق عسى الله يقربني يمهم من غير شر
رغم استقرار حياتي و لله الحمد

لا ما اشتقت له لانه مش بيتنا بيتنا هناك مو هنا

انا كملت اربع سنوات زواج ماشاء الله
وكنت اول سنتين ثلاث ما اشتاق لبيت اهلي ابدا ابدا وحتى اهلي تخلي تمر ايام ما اشتاق لهم وكانت امي دايم تكلمني تقول ليه ما تتصلين . كله لاني كنت غرقانه في العسل كان زوجي مدلعني دلع مو طبيعي ماشاء الله مع ان حتى اهلي ماكانو يقصرون علي بشي وللحين الحمد لله مو مقصرين علي الله يحفظهم بس كانت حياتي مع زوجي في البدايه غيييييير وكنت احب بيتي حب غريب واذا رحت لاهلي اشتاق لبيتي ولزوجي مررره . والحين ابي اروح لاهلي مو سالفة شوق بس اغير جو مليت من زوجي ومن البيت لان ماعاد اشوف ذاك الدلع والاهتمام 💔💔

بيت الاهل له طعم غييير الله يخلي لنا اهلنا و لا يحرمنا منهم انا اول سنتين زواج كنت ازورهم و بعد ما ولدت و تنفست عند ماما تجددت عندي الاحاسيس ههه و صرت لااازم ارقد عندم يومين ع الاقل منه اتدلع و منه يلعبون مع ولدي