اشتقت للاغاني.. ساعدوني وادخلوا رجاء

السلام عليكم...

بنات انا صارلي حكايه خمس شهور او اكثر الحمدالله مااسمع اغاني تبت منها وحولت للقران فقط... وقبل كنت ايضا فتاه متبرجه يعني اخرج بالبنطلون وتي شيرتات وماالبس شيله الا نادرا واتعطر..

لما بدأت الالتزام هالسنه ولله الحمد وبفضل وتوفيق منه.. تركت الاغاني, والتزمت الحجاب,وتركت التعططر وشيل الحواجب..

مازلت صراحه البس البنطلون لكن طولت القمصان وادري اني للحين غلط بس شوي شوي ان شاء الله بغير لبسي...


لما اشوف بنات صديقاتي يطلعون مثل ماكنت انا زمان واشوفهم حلوات وكاشخات صراحه ازعل في قلبي واقعد اطالعه واقول ياحظهم.. مع انه اكيد مو حظهم انا الي حظي... بس احس بحنيه لايام زمان الي متأ:ده وواثقه اني ماراح ارجعلها بتوفيق من الله..


والاغاني... كنت احب اسمع لتامر حسني وغيره من الفنانين بعد ماتركت الاغاني حاليا مرات صدفه في الراديو القى اغاني كنت احبها زمان بس احول علطول ومااوقف فيها.. او لما القى صديقاتي يسمعون مااسمع معاهم من جوالي مسحت كل الاغاني لاني خايفه يوم احطها واسمع.. مع اني ان شاء الله ماراح لارجعلها....

صحيح لقيت راحه في القران ولله الحمد بس مة مرة احن للاغاني ولبس الفري... خاصه اني ماالبس عبايه فا بصعوبه الاقي لبس يناسبني في السوق... وهاذا شي يجرحني..



عندي سؤال: هل يجوز اني مثلا بس ابكي في يوم لو ماقدرت اسمع اغنيه او ماقدرت البس لبس كنت البسه زمان قبل التوبه.. وله حرام حتى مجرد اني ابكي على هاذا الشي؟؟؟

ساعات احس دموعي بتنزل بعدين اوقف اخاف الله يحاسبني على هالدموع الي ذرفتها بس لاني شفت فلانه لابسه او تسمع وانا قبل كنت مثلهم وحنيت للبس او الاغاني



ادعولي الله يثبتني ويعيني ويكرهني هاللبس والاغاني مرة واحده يااااااااااارب...

الله شاهد علي حتى الطلعات ماقمت اطلع خلاص... ماابغى اشوف اشياء كنت اسويها قبل وتركتها.....