اشجع امي على الطلاق من ابوي

السلام عليكم ورحمة الله وبركاته

انا يا بنات، قلبي ومشاعري قاسية ولا انا احس بذنب ولا ما اعرف ايش هو شعوري بالضبط و سؤالي هو: هل هو يعتبر تخبيب بين الزوجين.؟ هل يعتبر اني اخذت شغل ابليس؟
هل ربي رح يحاسبني على فعلتي؟

ابوي، وما ادراك بقصه ذا الرجل، من يوم وانا على هالحياة وما اسمع منه غير كلام بذيئ، مفترض حتى طفل ما يسمعه ولا حتى كبير، هو رجل متلاعب، مرات يكون كويس ومرات يكون اسوأ من الظالمين انفسهم

بقولكم ليه، زمان كان قادر يشتغل ويصرف، لكن مو كفاية تخلينا نعيش أبداً، لذا، امي اشتغلت عشان تساعده ويوم جيت انا على هالحياه، تحسنت الاوضاع اكثر، المهم، هو يسيء معاملة امي، يشتمها، يسبها حتى قدامنا، مرات قح**ة وكلام وصخ، يوم يجي يوصلها يصرخ عليها، ويوم ترجع من الشغل تعبانه ترجع تنظف وتطبخ، انا كنت صغيرة لافهم وش قاعد يصير، لكنه استهلك امي استهلاك كبير، ما يساعدها حتى باي شي، امي شغلها اتعب واثقل منه، وكل مرة تديه راتبها وتساعده وتصرف على البيت اكثر منه أصلاً كانها الزوج حاملة كلشي على كتفيها مصاريف وتنظيم المصروف حتى

مرات تبغى تطلع مشوار تغير جو، لكن على مزاجه طبعاً، متى ما صار يقول يبي حمام وفيه مسجد قريب، يستغبي عليها ويخلينا بنص الفرحة نرجع غصب، مرات ينكزني بقوة عشان اقول لامي نرجع البيت، بخيل كمان، ما يشتري الا ارخص الاشياء لنا، بنص المشاوير مارح يجيب لنا شي ولازم صراخ ومشاكل حتى يطلع وكانه مجبور والله

يوم يجو اهله يزوروه، ما يجيب لهم الا الاحسن، اشياء ماقد ذقتها او شفتها بحياتي، باين قدامهم انه مثالي، ياخذهم مشاوير وكلشي، يوم يروحو ترجع الكآبة عالبيت لا طلعة ولا كلمة حلوة، ابوي ما كان سند امي أبداً

الان مع تقدم العمر اكتشفت اشياء فظيعة، خلتني اعرف انه مو رجال أبداً، الان هو بلا شغل ولا يبغى يشتغل لان ولا شغلة تعجبه يبغى راحته، انا ماعاد صرت ادرس حتى، امي بدت تشتغل شغل بسببه هو، كل يوم يزن عليها تشتغل عشان هي تقدر وهو لا، عنده سيارة خربت وقال لو تصلحت بيشتغل فيها (سواق) لكن خربت نهائيّ، لذا طلع سيارة اجار وما اشتغل فيها حتى، نادر مرة يطلع اصلا، ينام ويصحى كلشيء جاهز، ويصارخ على امي متى ما يبغى

ما انسى يوم تهاوشو، وهي ما تكلمت معه تجاهلته لانها ماتبي مشاكل، وهي تصلي جاها وتفل عليها وقلها يا قح** عشان ما تكلمه وهي توها حاطة له الاكل ، ما احترم حتى انها تصلي ولا احترمها كزوجة، ومره كان رح يضربها حتى، لو اخواني ما كانو موجودين اهخ الله يعلم، المهم ما يخجل يسبها ويشتمها، وحتى اهلها، وهو يوم كان باسوأ حالاته حماته باعت ذهب من عندها عشان تساعده وهو قدام امي الان يسبها سب ويقذف، حتى جدي راح تدين عشان يساعدوه، محد يدري لان امي ما تقولهم، كبار سن تخاف على قلوبهم من القهر، لك حتى امي باعت ذهبها كامل وش يبغى ذا؟ لا يصلي ولا عبادة وعنده زوجة كويسة يعاملها بسوء ويسبها وهي تصرف عليه الله وكيلكم (ما توظف ولا عاد يشتغل الا نادر يوصل مدارس بس، اخواني يشتغلو وامي يدعموا بالبيت، وهو ينام مرتاح، لك حتى اخواني يسمعهم كلمات وصخه وقذرة وكل يوم يقومهم عالشغل بصراخ وشتم قسم بالله ويدعي بالعمى عليهم يقول (لَعمى) اهخ بس) كل يوم مشكلة وصراخ لدرجة اني تعبت نفسيا ماعاد صرت اقدر اتحمل اسمع صوت عالي الا وجسمي يرجف غضب وخوف

المهم باختصار فيه كثير وكثير بس بختصر، لا يصلي ولا يصرف على امي وعلينا ولا يحاول يلقى وظيفة يعيشنا فيها هو فيه السكر والصغط بس مو معناته يصير فرعون علينا، امي بنفسها جتها امراض بسببه التوتر والقلق وضغط نفسي،المصروف هي تديره وتدفع دم قلبها حتى، فيني اقسم لكم بالله انه ولا مرة شكرها او حتى قلها كلمة حلوة على تعبها كل مره يوم يرجعها يصرخ عليها ليش تتاخر تطلع ليش اخر الناس المفروض تخرج بسرعه وبلا وبلا وبلا وبلا

فيه مصايب اعظم، مثلا يوم ولدت انا، جا لامي ضيوف ومعهم هدايا، وهي بدورها قلقت البيت جديد ومافيه كاسات او عصير تتخيلو؟؟! يوم اتصلت عليه تطلب منه يشتري بسرعه طقم كاسات وعصاير وحلويات رد عليها كذا " مارح اجيب شي شربيهم شاي " وقفل الخط بوجهها، وقتها جدتي تكفلت بالموضوع وتصرفت وراحت هي بنفسها الي ساعدت امي، بالله وش رايكم؟ وفيه قصص تشيب الراس بس الله يعين يصرخ عليها بالسوق كانها طفله ويخجلها، ومره تفل عليها، استنو لا تحكمو على امي ليش ما تطلقت قبل، هو طلقها بس رجعت غصب، الوضع فقير ومأساوي يا جماعة وكنا اطفال صغار، انا بنفسي مدري وش صار بس امي مسكينة ومحد كان معها ونصحها كويس

المهم اليوم بوقتنا الحالي، بعدما عدمها وراح نص العمر، فكرت بالطلاق وعفكرة للان تصرف عالبيت وعالاكل وعلى كلشيء انتم تعرفونه عالمصاريف، وانا صرت اشجعها، واقولها لا تسكتي ابدا، قدامك عمر تطلقي واهربي، قسم اني زنيت براسها لين اخيراً رسلت رسالة الى محامي، وهي خايفة من ابوي لو درى بالموضوع ممكن يضربها او يفضحها عند اهله ( عفكرة اهله خرا زيه امي شافت عجايب منهم كمان)
بس قلت لها لاااا والله مايسوي وهو وهو كذا وكذا لساتك بالاربعين تطلق تشوفون اني اسوي الصح؟ اشجعها عالطلاق؟ واستمر براسها لين تحقق المراد؟ اخواني كبار ما يحتاجو حضانه بس انا القاصر، وش تقولو اشجعها اكثر؟ كل مره تقولي خايفة والعمر فات ومدري وش، والله ان امي امرأة متدينة مسلمة جميله كمان، حسبي الله عالظلم الى هي فيه، بس كمان تخاف هي، فقر وتعب تفكر من وين تجيب فلوس المحكمه اصلا، بس قلت لها استشيري محامي اول عن كلشيء اسالي،

هو يا ناس انا اخبب ولا معي الحق؟ مرات تقول خلاص الله يصبرني لا تفتحي الموضوع، بس انا ابدا اذكرها بكثير اشياء سواها هو، اذكرها حرف بحرفه عشان تنحط الفكرة ببالها، وهي اصلا عندها التفكير من زمان بس يجي مثل النغزة تروح وتجي، انا شجعتها وتكلمت وزنيتتتتت حتى اخيراً ثبتت، هو انا قاسية؟ احيانا ابوي كويس بس تعامله سيء ومافيه اخلاق كثير، مريض سكر حاليا ومدري لو عرف بالطلاق وش بيحصل،


الي اسويه انا صحيح.؟