تخيلي كده لو موبايلك وصل 15% شحن وانت محتاجه
دورتي ع الشاحن ما لقيتي
قلتي خلاص احمل عليه كم صورة وأشير كم بوست وأسمعلي مقطع
وأكيد بعد شوية هيزيد الشحن ويكون 100% !!!
هل ده كلام يدخل العقل برضو ؟!
أكيد ﻷ .. لأن مع كل استخدام هيقل 10% بعدها 5% لحد 0%
ويفصل !!
هو ده بالظبط اللي بيحصل في قلبك
لما تضيع الشواحن الخاصة بيه (القرآن - الدروس - الذكر - الدعاء)
هيجي وقت تحتاج قلبك (وأنت في كرب شديد أو في مصيبة أو حتى عند الموت في السكرات)
هتلاقيه مرفوع من الخدمة
وده لييييه ؟!
لأنك أهملته بالجري ورا الشهوات والنزوات والمعاصي كبيرها وصغيرها
طيب ايه الحل ؟!
بسيطة جدااا جدااا تعاهد قلبك كل يوم :
الصلاة في وقتها
تسمع رقائق ومواعظ
تسمع وتقرأ ورد قرآن
تحصن قلبك بأذكار الصباح والمساء
تزود من الاستغفار
قدر المستطاع
كده تضمن بإذن الله إن قلبك يفضل مشحوووون 100%
ياللا نبدأ سوا من الان ولو لاقيت الموضوع صعب عليك
تذكر قول ربك عز وجل :
◆{والذين جاهدوا فينا لنهدينهم سبلنا }◆
ابدأ إنت بس وربنا هيعينك .
