اشعة الصبغة

مساء الخير يابنات


بتكلم اليوم عن تجربتي مع اشعة الصبغة اشجع الي محتاجين يسوونها
اول شي كان عندي موعد مع الدكتورة وقالت روحي لقسم الاشعة اخذي منهم موعد
قالت لي في الاستقبال ايش نوع الاشعة؟
قلت ماسألت الدكتورة
قالت اشعتك صبغة
انا مسكني الخوف 😣 ماتوقعت انها اشعة صبغة
بس قلت اتوكل على الله واخذ الموعد علشان يشوفون كل شيء لأني ودي يسوون لي فحص كامل خيرة ان شاء الله
نتوكل على الله الم لكم دقيقة وبعدين نرتاح من التفكير
اليوم جا موعدي
رحت وانا فيني توتر شوي بس الزين اني مستسلمه ومتقبله 😂😇
دخلت القسم قالو ارتاحي على الكرسي والممرضات الله يعطيهم العافية اخلاق 👍🏻
وانا اسئلهم عن الالم اذا تألم وابي مسكن اذا بيعطوني قبل 😇
استقبلتني ممرضة الاشعة عطتني اللبس حقهم والتعليمات
و في غرفة الاشعة قعدت تشرح لي بالتفصيل شلون طريقة الاشعة
و قبل كل خطوه تقول ايش بتسوي لك 👍🏻 هالشي يطمن ويريح
بعد ماحقنت الصبغة اول شي بدا شعور مزعج مثل الضغط والاحتقان الي تحسينه وقت الدورة
بعدين جا الم مثل الم الطلق لمدة بسييطه كأنك تطلقين طلقة وحدة 😂😫
الصراحة كنت متوترة اكثر من اني احس بألم
الالم محتمل 👍🏻
والحمدلله بعد ماخلصت منهم نص ساعه الم خفيييف اخف من الم الدورة
اهم نقطتين استرخي وتنفسي زين دقيقتين وانت خالصه الموضوع سريع


حبيت اكتب تجربتي تفيد البنات المتخوفين منها
توقعي شعور الألم المحتمل 👍🏻 مايذبح
وخليك شجاعة مافي شي يخوف ابداً