اشعة الصبغه تعالو اسمعو قصتي

السلام عليكم شخباركم بنات اشتقت لكم
منتدى يجمع خوات .. ❤️
سالفتي ومافيها ابغى ابين فيها ان مو كل دكتوره تراجعين لها تكون صادقه بتشخيصها لك ممكن تغلط حالها حال اي انسان ..
انا متزوجه لي 9 شهور بدون حمل الحمدلله على كل حال ،
الي ابغى اقوله اولاً لازم تعرفين تشخصين نفسك وتكونين فاهمه دكتورتك ليش عطتك كذا وليش كذا وكيف خطة العلاج
رحت لدكتوره بمستشفى حكومي المهم طلع معي تكيس وهرمون الحليب ( الحمدلله على كل حال) ، عطتني حبوب للهرمون اكلها لين احمل ، وحبوب ميتافاج للتكيس وكلوميد على طووووووول من اول شهر علاج قلت ستوب دكتوره طلبتي تحليل زوجي ؟؟
عملتي لي اشعة الصبغه ؟؟
ممكن تسوين لي منشطات واتعب مبايضي عالفاضي وتكونين الانابيب عندي مسكره لاسمح الله ؟؟؟
بنات انتبهو تبدون منشطات قبل اشعه الصبغه حتى لو دكتورتك ماطلبت انتي اطلبي واقري عن حالتك بالنت اكثر واكثر حاولي تشخصين نفسك وتعرفين شنو خطة علاجك ..
الجدير بالذكر وافقت تسوي لي اشعة الصبغه قبل المنشطات جاء اليوم الموعود وكنت مرعوبه فجاءه قالو الدكتوره فلانه مو موجوده ( دكتورتي) مناوبه عنها دكتوره شاطره قلت يالله بتوكل على الله ،
جيت عالسرير ودخلت الجهاز الي يفتح المهبل وبدت تدخل حدايدها الي كنها اصياخ مشويات ومتتتتتتت من الالم وصياح قامت فجاءه وقطت لبسها وقالت ( عنق الرحم عندك ضيق مقدر اسوي لك الصبغه) وباسلوب زفت طبعاً ..
طلعت وانا ضايقه فيني الم ببطني بدون اي نتيجه ثاني يوم توجهت لمستشفى(خاص)
وعملت الاشعه بغضون ثلاث دقايق وخلصت والنتيجه بعد نصف ساعه




الحمدلله كل شي سليم من عنق رحم وانابيب اشعه الصبغه نتجيتها مافي شي يخوف كل شي سليم ( ياربي لك الحمد)
بعدها حلفت اروح حكومي واخليهم يلعبون فيني مره مناوبه ومره صديقة الدكتوره ومره تجين بنت خالة الدكتوره حاطينها مكانها ومره حاطين جدة الدكتوره > ههههههه خلاص عاد
المهم يابنات اهم شي تعرفين وتقرين وتتثقفين بحالتك اكثر واكثر لاتخلين هالدكاتره يلعبون فيك هالمستشفى الحكومي الله يستر عليه ياما وياما يدخل حريم بغيبوبات بعد الولاده هذا غير حالات الوفاة ( وحده من جماعتي توفت بعد ماانجبت فيه ماكان فيها شي بس عقب ماطلع راس البيبي دفوه وانفجر رحمها وماتت الله يرحمها ) مو قاهرني الا زوجها تزوج بعدها بعد كم شهر وعنده خمس عيال واخذ له بنت صغيره بالعشرين مالت عليه اقل شي احترم روح زوجتك قبرها مانشف ولاتحللت عظامها وماتت تجيب لك ضنى اقل شي اجلس 6 شهور
اهب يالرجال مالهم امان > شطحتي فالبنات من اشعة الصبغه للحش بالرجال ( الله يستر عليه )


وسلامتكم ،، ادعولي تكفون احمل ()