اشعة الصبغه ..... خايفه منها موت من جربت بليز

صباح الخير حبيبتى رعبوبه
أبشرك سويت الأشعه والحمدلله بصراحه كان فيه شوى ألم مثل ألم الدوره بس ماطول خمس دقايق وخفونصيحه لو بتسوينها تروحين للدكتوره من بدرى تشرح لك اللى بيصير لاتغلطين غلطتى أنا ساكنه فى الجبيل وأتعالج عند مستشفى سعد فى الخبر وماكنت أقدر أروح لهم فى اليوم اللى حددته لى الدكتوره فقالت خلاص سويها فى أى مستشفى فى الجبيل,المهم رحت لمستشفى فى الجبيل والله لايوريك قسم بالله الممرضه هى اللى كتبت الورقه اللى أخذتها لقسم الاشعه لان الدكتوره عندها عمليه المهم دخلونى غرفه بابها حديد قالت الممرضه روحى لدوره المياه ونزلى ملابسك وعطتنى لبس العمليات وأنا ماأدرى شالسالفه والله كنت أقول فى نفسى أكيد غلطانين وبيسون لى شى غير الاشعه سالت الممرضه قلت فيه أبره مسكنه قالت الحين تجى الدكتوره,بعد كذا جاء بدل الدكتوره ثنتين وماقالن لى أيش بيصير بس أسالونى من متى متزوجه وليش بتسوين فحص الأنابيب (فى هالوقت عرفت أنهم مو غلطانين) وعلى طول عطونى أبره وبدوا يسون الفحص بصراحه أنا كنت مرعوبه من طريقتهم وكان المفروض يقولون لى وش بيصير علشان ماأخاف.وهى ماتطول على طول تخلص والالم أتوقع على حسب الدكتوره.ونصيحه ياقلبى توكلى على الله وسويها تخيلى أنا سته شهور على الكلوميد والابر المنشطه وبعد مارحت لمستشفى سعد وتابعت مع الدكتوره كان التبويض ممتاز وعاتبتنى على المنشطات اللى كنت أستخدمها وقالت المفروض عند تأخر الحمل نسوى أربعه فحوصات قبل مانبدا فى المنشطات وهى التبويض-الهرمونات والغدد-والانابيب-والحيوانات المنويه للزوج,لانه أحتمال يكون سبب تأخر الحمل الانابيب فى هالحاله ليش أستخدم منشطات.والحمدلله زوجى فحوصاته سليمه وأنا باقى لى الاشعه أوديها اليوم للدكتوره وأشوف النتيجه (أخذتها من قسم الاشعه على طول ورجعت البيت من غير ما أمر على الدكتوره) وأن شاء الله خير.
أسفه أنى طولت عليك بس والله ماأبى أحد يغلط غلطتى والله العظيم ندماااانه على الايام والشهور اللى راحت و أستخدمت فيها المنشطات.والله يوفقك ويرزقنا بالذريه الصالحه .

يابعد قلبي انتي يالغاليه

والله تفاجات من الي صار معاك .... لها درجه كاني داخله عملية

يالله انا كنت احسب عادي كذا بملابسي ... اثر السالفه فيها شي وشويات

انا المفروض يكون موعد اشعة الصبغة هالاسبوع بس بصراحه ماراح استعجل بأجلها بعد كم شهر

لاني لسه بديت علاجي من شهرين بس ... وكثير نصحوني قالو لاتستعجلين عليها خليها اخر حل

والشهر هذا انا برتاح ماراح اخذ ادويه

والله يكتب لي الي فيه الخير يارب

انا عندي شعور قوي انو مافيني شي .... ودكتورتي هذي اتوقع في راسها نسم >> ابو الوصف :)

بس الله يطمنك يالغاليه مثل ماطمنتي قلبي

والله يرزقك بالذريه الصالحه يارب وتطمنينا عليك يارحمن يارحيم

ولا يروح تعبك خساره

الله لايحرمك من رحمته بين اذانه وطاعة رحمانه

تسلمين لي يالغاليه

عندي سؤاال ؟ <<<< ماتستغني :)

الابره الي اخذتيها مخدر كامل .. ولا شنو
وبعدين انتي اكلتي حبوب في الليل قبل لاتروحين وكم عددها ؟؟

قولي صار سؤالين مب سؤااال

اسفه يالغاليه طولت عليك

تحياتي

up


لحد ماترد علي فداك روحي

صباح الخير
كيفك رعبوبه,عادى أسالى على راحتك, وياقلبى لاتخافين أنا ماأبى أغشك وأقول ماتوجع لا توجع بس الالم أتوقع يختلف على حسب الدكتوره ونفسيتك أنتى يعنى أذا كنتى مرتبكه وخايفه مثلى لاأراديا بتشدين نفسك وهذا يسبب ألم.
أما بالنسبه للابره لا مش تخدير كامل لانى كنت صاحيه وأحس بس والله ماأدرى وش حقته يمكن مسكن خفيف,الدكتورتين الله يسامحن ماعطنى مجال أسال وأستفسر ولا كلفن نفسهن يخففن عنى أقسم لك بالله أنهن يجهزن الادوات وهن يسولفن فى الذهب وأسعاره تخيلى كيف تقدرين تسالين فى هالحاله ,الحمدلله عدت ورحت اليوم لدكتورتى( الاصليه) وكانت النتايج ممتازه.
أما بالنسبه للمضاد صارفتها لى الدكتوره اللى أراجع عندها وأخذ حبه كل 12 ساعه أول حبه تكون بالليل واليوم الثانى الصباح أسوى الاشعه وأستمر عليها لمده أسبوع يعنى حبتين يومين لمده أسبوع. ونصيحه من أخت لك مجربه توكلى على الله وسويها والالم يهون لاتغلطين غلطتي سوى التحاليل الاربعه الى قلت لك عليها قبل ماتبدين فى المنشطات,مثل ماقلت لك كم شهر وأنا حالتى حاله كلوميد وأبر والهرمون ملخبط مع أنى كنت منتظمه على العلاج بس مافيه فايده لحد مارحت لهذى الدكتوره الله يجزاها خير وعرفت السر فى عدم أنتظام الهرمون وكان السبب الغده الدرقيه وبعد ماأخذت علاج لها الحمدلله أنتظم الهرمون والتبويض تمام تخيلى 6شهور أخذ أدويه مالها داااااعى بالعكس ضرتنى .أدرى أنى طولت السالفه وهى قصيره بس أبى أوضح لك أنه لازم الفحوصات قبل مانبدأ أى شى.وبالتوفيق يالغاليه