اشعر بالإحراج ... !

السلام عليكم ورحمة الله اخواتي
وكل عام وانتن بخير ورمضان كريم عليكم ❤
الحقيقة ترددت كثيير قبل ان اكتب مشكلتي ،، بس املي فيكم أنكم تساعدوني
انا طالبة 21 سنة ادرس في كلية الصيدلة ،، مشكلتي من غير ما اطول عليكم اني حاسة بعدم القدرة ع التواصل مع الناس ،، كلامي بقى قليل جدااا وبقيت افضل ما اتكلمش اصلا ولا حتى أبدي راي ف ابسط الحاجات ،، ويوم ما اتكلم مبحسش ان كلامي مؤثر ف الي حواليا وان اتعودوا انهم مياخدوش مني راي ف مبيدوش الاهتمام ،، بقيت احس اني بعيدة كل البعد عن الأحداث الي بتدور حواليا وده مخليني نفسيا تعبانة لأَنِّي بتحرج من الناس لما حد يسألني ف اي حاجة عامة ،، للاسف انا مكنتش كدا وكنت اجتماعية جدا وبحب المشاركة وكان ليا راي واضح وصريح وشجاعة ونشيطة ،،، حاليا بقى عندي كسل مش طبيعي بقيت أكسل اعرف ابسط الاخبار الي بتدور وبَقيت احس ان درجة ثقافتي بقت محدودة جدااا ده غير النسيااااااان وده بقى من اكتر المشاكل الي عاملالي عقدة لأَنِّ مستويا ف الدراسة تراجع كتييير ومبقتش احس ان في معلومات بتثبت ف مخي وغير التردد الفظيع ف كل حاجة 😞😞😞😞
ياريت تفيدوني اخواتي لأَنِّي نفسيا حقيقي تعبانة و مبقتش بواجهه الناس وبقيت منطوية جدا 😞😞