صراحه اسباب بسيطه والضعف ممكن يتعالج ....لاطالعين سفرات وخرابيط اهم شي لايخون ولايسكر لايضرب وبيتك ومحترمك ......طلبتي المشوره انا اقول ارجعي وكلي امرك لله...واسجدي وادعي وان شاءالله تزين .....

اللي ردو ماقصرو الله يجزاهم خير

حسب كلامك انتي مجبره على العيش مع هذا الزوج لان حياتك في بيت اهلك صعبه جداً

هذا غير وجود طفل بالطريق هذا سبب يخليك تفكرين مليون مره قبل الطلاق

الحين مافي عندك حل إلا انك تكونين قويه وشجاعه وبالك طويل جداً جداً مع زوجك

زوجك واضح شخصيته مهزوزه ومحطم وبداخله تراكمات وتعود على الكسل والرباده وعدم المبالاه

بدال ماتتحاربين وتتخاصمين معاه ويصير زعل ابحثي عن حلول متنوعه لا تمسكين في حل واحد وتبينه يضبط معك

وطالما زوجك طيب وحنون ويحسن معاملتك تأقلمي مع عيوبه لكن اسعي في اصلاحه بدون عذاب نفسي وتعصيب


مثلاً موضوع الكسل والاهمال في البيت واضح ان الكلام مايجيب نتيجه لانه تعود عليه يسمع ويطنش ويأجل الى مالا نهايه غيري الحل

ببساطه خرب المكيف او الاضاءه او الغساله او الفرن او اي شي خلاص لا تشتغلين ولا تغسلين ولا تنظفين ولا تطبخين عطلي حياته عشان الحاجه تجبره يصلح الشي

ومثلاً المكيف خرب ويخليك تنامين بمكان ثاني اتصلي بعامل يجي يشيل المكيف واجبريه يستقبله ويدفع حسابه .

طلبات واغراض البيت ناقصه ؟ اطلبيها او اشتريها من سوبر ماركت او بقاله انتي متعامله معها وخليهم يسجلونه على حساب زوجك خليه ينجبر يدفع لهم

خليه يجلس على اعصابه ويعرف ويقتنع انه اذا ماجاب لك غرضك او اهملك ماراح تسكتين وبيضطر يتجاوب معك ويتعود على النشاط شوي وينسى الكسل

وبالنسبه للعلاقه بينكم شكله فعلاً كسول لاقصى درجه وماله خلق لشي لانه تعود كذا عشان كذا لا تخجلين ولا تستحين من انك تاخذين حاجتك ورغبتك مثله بالضبط اهتمي بمشاعرك ولا تهملينها كوني انانيه وحبي نفسك واشبعي نفسك متى ماحبيتي وانتي اللي بادري وكوني جريئه واسحبيه لعالمك وجوك خليه ينفض الكسل غصب واذا خلصتي بكيفك عاد برطمي ولا طنقري عليه هههههه

علاج الزوج الكسول انك تجبرينه ينفذ الشي بطريقة غير مباشره ولا تنسين اذا سوى شي او خدمك امدحيه وطيريه للسماء عشان يعيدها مره ثانيه

واهم شي الصبر ثم الصبر لا تقولين كلمته وتعدل يومين ثلاثه ورجع مثل ماكان لازم تتأقلمين مع زوجك الكسول وتعودينه يتلحلح شوي معاك وان شاء الله الحياه تمشي ومثل مايقولون زوجك على ماتعودينه .

وانتي الحين بفترة حمل عشان كذا اعصابك ومزاجك ونفسيتك ما تتحمل شي الله يقومك بالسلامه .

وعليكم السلام ورحمة الله
دخلت عشان اقولك ارجعي واحمدي الله ع ما انعم عليك .
زوجك نعمه الحمدلله احسن من غيره
ع الاقل يحترمك عند اهله ويحترم اهلك ويتراجع ويعتذر ويحبك هذا اهم شي بالدنيا كلها ومع كل ذا لكم 5 سنوات
مابالك بوحده مالها الا سنتين متزوجه ومايحترمها عند اهله ويسرق اغراضها عشان يسعد اهله
ومابالك بوحده مالها الا سنتين متزوجه يسب باهلها ويشتمهم
ومابالك بوحده لها سنتين متزوجه ماشافت العلاقه الا اول عرسها بس ومن بعد كدا كل هالسنتين خصام وزعل وسب وشتم
قولي الحمدلله لاتخصري زوجك واقراي كتب عن كيفيه التعامل مع الزوج
الحمدلله ع كل حال
الله يسعدك ويتمم لك ع خير

طالما هو حريص عليك يعني يحبك الرجال محتاج فقط يغير أسلوبه ومحتاج قرصه قويه روحي بيت اهلك وخليه لحاله كم يوم وطنشي لا تردي عليه وخليه يجي لين عندك وحطي النقط فوق الحروف معاه وقولي له هذي طلباتي تقدر عليها كان بها ماتقدر طلقني وخلاص واذا وافق قولي له أي شرط او شي يختل او ماتنفذه برجع لاهلي واطلب الطلاق وخلاص وخليه قويه من ينعوج شوي قوميه وقولي له بروح لبيت اهلي ومو هذا اتفاقنا رصي عليه لا تخلي له مجال او يقول لك كلمتين حلوين ويرضي

اتفق مع الاخت مسكين هالطفل الجاي
زوجك شخصيته كذا والطبع للاسف ما يتغير يحتاج تتاقلمي معه وتحطيه امام الامر الواقع ماتعرفي تقولي له اليوم وصيت اهلي يجيبون شركه تصلح المكيف!!؟؟ يعني معظم الرجال عجازين بس مش لهدرجه وعلى العلاقه اذا هو 5 سنين كذا فما تغير شي مع الحمل وقلتي ان معه ضعف ومشكله يعني الوضع بين قدامك والله يااختي سنه زوجي ماقرب لي مع الحمل والولاده من خوفه علي وعادي لكن زوجك قلتي عنده مشكله اذا الصراحه والكلام ما تفيد اتخذي اسلوب الفعل خذي حقك في كل حاجه بنفسك مره مرتين ثلاث بيتعلم
انتي المفروض عرفتي كل تصرف له ورده فعله من عشرتك فانتي ابخص كيف تتعاملي معه