كلام اخوي حلال مشاكل فظيع واعتبره صحيح مليون بالاميه
ولا تدخلين احد بينكم ترى بتجرين نفسج لمشاكل وعواقب هالحركه وخيمه
والانتحار بدايه لعذاب الاخره تبين تتعذبين دنيا واخره ؟؟
بقولج شي
دوام الحال من المحال حقريه ومسيره يمل

ومو مشرط انتي مقصره بشي لكن عيونه تفتحت متاخر
خليه والله يمل

أكثر الرجال اللي يسوون هالاشياء مايعتبرون اللي يسوونه غلط

يعني هواية وفضول وحب استطلاع

لكن الزوجة هي اللي تكبر الموضوع

وتجيب تفسيرات كثيرة

مثلا يروح بالها للشذوذ

وانه مسوي علاقات خارج البيت

او تجلس تأنب نفسها وانها يمكن هي السبب

وتبدأ تهوجس انه يمكن مو مريحته ومن هالتفكير

وتبدأ سلسلة التحقيقات والمراقبة والجولات التفتيشية والزيارات المفاجأة المباغته

وكثرة الاستشارات والدخول في دوامة الحيرة والشكوك

وتبدأ بعدها المصادمة لان الرجل مايحب هالاسلوب

وما يحب ان المرأة تكون سبب هدايته

او تدخل في خصوصياته

وتلقى الزوجة بعد كذا نفسها في متاهة مايعلم بها الا الله

زوجها بعيد عنها وطفشان منها

وهي في ركن بعيد مع افكارها وهواجيسها واحباطها

والحل اللي اشوفه كالتالي..

انسي الموضوع نهائيا

لاتدخلين معاه نقاش في هذا الموضوع ابدا

اياك واسلوب التحقيق والتفتيش والزيارات المباغتة

ياك تروحين عنده في المكتب تسوين نفسك توصلين له مرة شاي ومرة معجنات

وكل هذا عشان تشوفين اش يسوي

لان هالحركات بيكشفها على طول

لاتدقينه بالكلام او الحركات

لاتعطينه اشرطة اسلامية او كتب عن هالموضوع مباشرة

لكن ممكن تكون هالاشياء موجودة ي الصالة مثلا بطريقة غير مباشرة

ويبقى عليك بعد كذا انك تلبسين صح وتعامليه صح

ولاتعامليه بالمثل

وحاولي تقربي منه كل ماابتعد..حتى جلستك المفروض تكون بنفس الكنبة اللي يجلس فيها

لانك اذا بعدتي وهو بعد .. مابتقربون ابد بهالطريقة

اخرجوا سوى تتمشون وتتسوقون وللعمرة وزيارة المدينة


والشي الاهم

لاتأنبين نفسك

ولاتحطمينها

لانك مالك ذنب

كل ما أنبتي نفسك.. وحملتيها اكثر مما تحتمل .. بتفجر

وكل مانكدتي على نفسك .. تأكدي ان نفسك بتنكد عليك

السعادة الزوجية مو نهاية السعادة

في اشياء كثير تجلب السعادة

القرآن الدعاء الاستغفار الصحبة الصالحة الهوايات التسوق الاولاد...........

دوري على السعادة

لانك لو دورتي على النكد .. بيجيك بسرعة


الله يجمع بين قلوبكم ويملا حياتكم بالسعادة

........................................

انا مع كلام الاخ حلال المشاكل قلبا وقالبا .....

هونيها وتهون اختي وترى الزوج مو نهاية العالم عشان تسوين بنفسك كذا

مصيره يعقل ان شاء الله ..

انت خليك معه على كيفه وتوكلي على الله

الله يعينك
ويهديه ويجعله هاديا مهديا صالحا مصلحا

ختي انا لاخفيك انه ذنب عظيم واسأل الله له الهدايه ولي جميع شباب المسلمين حيث انتشرت مقاطع في الجول يستحي منها الحيوان مبالك بالانسان المسلم ولاكن ليس هذا ذنبك انتي حولتي ان تنصحيه ولاكن دون جدوى اختي وعزيزتي اياك مجرد التفكير في الانتحار فهذا اعظم من ذنب الصوروالمقاطع اتعالجين الغلط بغلط اكبر وافحش منه لا لالا لا يااختي ........... فأنتي تتجزعين وتعترضين على حكم الله .... اخيتي يصب المسلم المصائب لاسباب ثلاثه 1_ إما بسب ذنب اذنبه 2_ او يبتليه ليكفر عنه ويرفع درجاته 3_ او يختبره ويمتحن قوة ايمانه فأن صبر وحتسب الاجر فله جنات عدن وان تسخط واعترض على حكم الله فله المصائب في الدنياء والخره الحساب والعقاب
يااخيتي عليك اولاً بالاستغفار من الذنب ثم لحي على الله بالدعاءبأن يهدي لزوجك واكثر من دعاء الهم والكرب والاستغفار واقرئي سورة البقرة وجميع القران واكثري من الصدقه ,, الزمي ذالك وادعي وانتي موقنه بالاجابه واياك واليأس وابشر من الواحد الاحد انه سوفا يجيبك فقد وعد بذالك في كتابه العزيز ,,,ولاتنسي مانزل بلاء إلى بذنب ومارفع إلى بتوبه ومن منا ليس بمذنب هدنا الله جميعاً للخير ربما قسيت عليك بس والله اني اريد الخير لك وفقك المولى واعنك على بلواك

محبتك ازهاااااااااااااااار