اشعر بوحده قاتله

انا حزينه مره يا بنات مالي اصدقاء ولا صاحبات والله لما اطلع السوق او ملاهي والقى جمعت بنات انقهر انقهر
ايام المدرسه كان لي صديقات ولكن علاقتي تنتهي بهم بمجرد خروجي من المدرسه اكلمهم بالتلفون ايه لكن ما اروح عندهم ولا اجي
ماعرف قريباتي ولا احتك فيهم
حتى بالجامعه وقبل الزواج ما اعرف احد كل السبب من امي
لا تقول خوف ولا من صديقات السوء لا انكر اني كنت اعرف صديقه زمان ولكن ظروف جعلتني اتركها وتعرفت على اخرى وايضا ظروف والظروف هذي كشفت نوعيتها السيئه
الحين وانا متزوجه ما احد يبغاني اعرف بنته رغم الي في سني كثير مو متزوجني كلهم يقولون متزوجه لالا نخاف على بنتنا منها
وكل المتزجات الي اهلي يبغوني اعرفهم اعمارهم بين 45 سنه واكثر
لما اطلع مع اهلي ونلقى بنات امي تقعد تسب فيهم بدون سبب وتهتك عرضهم
ولما تشوف وحده تكلم جوال تهتك شرفها
والله اختي الصغيره بعد ما تصدق تتزوج عشان تفتك اليوم تكلمني وهي تبكي تقول ابغى اروح الملاهي مع صديقاتي

ابوي كذالك اعراض الناس عنده زي السلام عليكم يفتري على بنات الناس ويصفهم بعدم الشرف

والله يا بنات ان تلفوني ما يرن ابد واشوف احد يبغى يسلم علي لاني بكل بساطه ما اعرف احد

صعبه لما الانسان يكون كذا

والله حزينه جدا

لا تقولون خوف اهلي علينا هذي انانيه فضيعه شوف كيف حالي معرف احد ولا احد يعرفني